ପଟ୍ଟାମୁଣ୍ଡାଇ ୧୪/୩ -କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ବ୍ଲକରେ ଏକାଧିକ ମଣ୍ଡିରେ ଅବ୍ୟବସ୍ଥା ଲାଗିରହିଥିବା ବେଳେ ଶ୍ୟାମସୁନ୍ଦରପୁର ସମ୍ପାଦକ ଚାଷୀଙ୍କୁ ହତସନ୍ତ କରୁଥିବା ଅଭିଯୋଗ ହୋଇଆସୁଛି। ଚାଷୀ ଟୋକେନ୍ ପାଇ ମଧ୍ୟ ମଣ୍ଡିରେ ଧାନ ବିକ୍ରି କରିପାରିନାହିଁ। ମଣ୍ଡିରେ ଦଲାଲ ଗିରି ଚାଲୁଥିବାରୁ ପ୍ରକୃତ ଚାଷୀଙ୍କୁ ଅଣଦେଖା କରାଯାଉଥିବା ଅଭିଯୋଗ ହୋଇଛି। ଯାହାକୁ ନେଇ ଶନିବାର ପୂର୍ବାହ୍ନରୁ ଚାଷୀମାନେ ବାଧ୍ୟ ହୋଇ ସମବାୟ ସମିତି ସମୁଖରେ ଧାରଣା ଦେଇଥିଲେ। ଦୀର୍ଘ ସମୟପରେ ମଧ୍ୟ କେହି ଚାଷୀଙ୍କ କଥା ଶୁଣି ନଥିଲେ ନା ଏଠାକୁ ଆସିନଥିଲେ । ମାତ୍ର ସମ୍ପାଦକ ମିଲରେ ଧାନ ପକାଇବାକୁ ସେମାନଙ୍କୁ ବାଧ୍ୟ କରିଥିଲେ । ମାତ୍ର ଏଥିରେ ଚାଷୀ ମନଉଣା କରିବାରୁ ସଂନ୍ଧ୍ୟାରେ ସମ୍ପାଦକ ତପନ ସ୍ୱାଇଁ ଓ ଜଗୁଆଳି ଗଂଗାଧର ମଲିକ ସେମାନଙ୍କୁ ଘଉଡାଇଦେବା ସହିତ ମାରଧର କରିଥିବା ନେଇ ଚାଷୀ ରବିନ୍ଦ୍ର ଦାସ ଓ କୁଳମଣି ଦାସ ଗ୍ରାମଂଚଳ ଥାନାରେ ଲିଖିତ ଅଭିଯୋଗ କରିଥିଲେ । ଗ୍ରାମଂଚଳ ଥାନା ପୋଲିସ ଘଟଣା ସ୍ଥଳରେ ପହଂଚି ଚାଷୀଙ୍କୁ ବୁଝାସୁଝା କରିଥିବା ଚାଷୀ ଅଜିତ କୁମାର ରାଉତ, ବାସନ୍ତି ରାଉତ,ଶୁବାଷ ରାଉତ, କୃପାସିନ୍ଧୁ ଦାସ, ଉମେଶ ସିଂ ପ୍ରମୁଖ ରାତ୍ରୀ ସାଢେ ୧୦ରେ ଫୋନ ମଧ୍ୟମରେ ଏନେଇ ଜଣାଇଛନ୍ତି । ସେମାନେ ଥାନାରେ ଦେଇଥିବା ଅଭିଯୋଗରେ ତାଙ୍କ ଜୀବନ ପ୍ରତି ବିପଦ ଥିବା ଦର୍ଶାଇଥିବା ବେଳେ ଘଟଣା ସମ୍ପର୍କରେ ସରପଂଚଙ୍କୁ ମଧ୍ୟ ଜଣାଇଥିବା ସେମାନେ କହିଛନ୍ତି ।