ମଦନପୁର ହାଇସ୍କୁଲରେ ମେଧା ପୁରସ୍କାର ଉତ୍ସବ

ପଟ୍ଟାମୁଣ୍ଡାଇ ୨୫/୬-ପଟ୍ଟାମୁଣ୍ଡାଇ ବ୍ଲକ ଅନ୍ତର୍ଗତ ମଦନପୁର ମହାବୀର ହାଇସ୍କୁଲରେ ଚଳିତ ବର୍ଷ ମାଟ୍ରିକ ପରୀକ୍ଷାରେ ସର୍ବୋଚ୍ଚ ନମ୍ବର ହାସଲ କରିଥିବା ଛାତ୍ରୀଛତାଙ୍କୁ ମେଧା ପୁରସ୍କାର ପ୍ରଦାନ କରାଯାଇଛି। ଏହି ହାଇସ୍କୁଲର ୧୯୮୩ ମସିହା ଜୁନିଅର ବ୍ୟାଚ ଛାତ୍ରୀଛତାଙ୍କ ପକ୍ଷରୁ ଆୟୋଜିତ ମେଧା ପୁରସ୍କାର ଉତ୍ସବରେ କଥାକାର ପ୍ରଦୀପ ନାୟକ ପୌରହିତ୍ୟରେ ଅନୁଷ୍ଠିତ କାର୍ଯ୍ୟକ୍ରମରେ ହାଇସ୍କୁଲର ପ୍ରଧାନଶିକ୍ଷକ ବିଜୟ କୁମାର ବେହେରା, ସରପଂଚ ଗୋଲକ ସ୍ୱାଇଁ,ଦିଲ୍ଲୀପ ପ୍ରଧାନ, ସର୍ବେଶ୍ୱର ମହାନ୍ତି, ରବୀନ୍ଦ୍ର ବରାଳ, ଶିବ ପ୍ରସାଦ ବେହେରା, ଶିକ୍ଷକ ପ୍ରହଲ୍ଲାଦ ସାହୁ ଓ ସ୍କୁଲ ପରିଚାଳନା କମିଟି ସଭାପତି ଶରତ ବେହେରା ଯୋଗ ଦେଇ ସ୍କୁଲରୁ ବିଦାୟ ନେଉଥିବା ଛାତ୍ରୀଛାତ୍ରଙ୍କ ଉଜ୍ୱଳ ଭବିଷ୍ୟତ କାମନା କରିଥିଲେ । ଏଇ ଅବସରରେ ଉତୀର୍ଣ୍ଣ ପିଲାମାନଙ୍କୁ ସାର୍ଟିଫିକେଟ ପ୍ରଦାନ କରାଯାଇଥିଲା। ଚଳିତ ମାଟ୍ରିକ ପରୀକ୍ଷାରେ ୫୪୧ ନମ୍ବର ରଖିଥିବା ନିବେଦିତା ବେହେରା, ୪୯୮ ରଖିଥିବା ସ୍ମୃତିରେଖା ବିଶ୍ୱାଳ ଓ ୪୫୩ ରଖିଥିବା ଶୁଭସ୍ମିତା ସାମଲଙ୍କୁ ୩ ହଜାର,୨ ହଜାର,୧ ହଜାର ଅର୍ଥରାଶି,ମାନପତ୍ର, ଉପଢୌକନ ସହିତ ସମ୍ବର୍ଦ୍ଧିତ କରାଯାଇଥିଲା। । ଏହି କାର୍ଯ୍ୟକ୍ରମକୁ ଶିକ୍ଷକ ସୁକାନ୍ତ ସ୍ୱାଇଁ, ମନୋରଞ୍ଜନ ରଥ,ଶିକ୍ଷୟତ୍ରୀ ଅମ୍ବିକା ଦାଶ, ସରୀତା ପ୍ରଧାନ, ସନ୍ତୋଷୀ ନାୟକ, ମମତା ଖଣ୍ଡୁଆଳ ନମିତା ସାହୁ, ରାଜଶ୍ରୀ ଦାସ ପରିଚାଳନା କରିଥିଲେ ।