ପଟ୍ଟାମୁଣ୍ଡାଇ ୮/୧୨ -ପଟ୍ଟାମୁଣ୍ଡାଇ ବେଲତଳ ହରିହରାନନ୍ଦ ଧ୍ୟାନ ମନ୍ଦିର ଆନୁକୂଲ୍ୟରେ ପବିତ୍ର ଗୀତା ଜ୍ଞାନ ଯଜ୍ଞ ଉପଲକ୍ଷେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଏହି ଗୀତା ଜ୍ଞାନ ଯଜ୍ଞ ଚଳିତ ମାସ ୧୬ ରୁ ୧୮ ପର୍ଯ୍ୟନ୍ତ ତିନିଦିନ ଧରି ବିଶ୍ୱର କଲ୍ୟାଣ ନିମନ୍ତେ ସ୍ଥାନୀୟ ଧ୍ୟାନ ମନ୍ଦିର ଠାରେ ଅନୁଷ୍ଠିତ ହେବାକୁ ସ୍ଥିର କରାଯାଇଛି । ଏହି ବୈଠକରେ ସ୍ୱାମୀ ଧ୍ୟାନନିଷ୍ଠାନନ୍ଦ ଗିରି, ବାବା ଗୋପିନାଥ କର, ବାବା ଦୁଷ୍ମନ୍ତ ସାହୁ,ବାବା ବ୍ରଜ କିଶୋର ପଣ୍ଡା, ବାବା ଅଭିମନ୍ୟୁ ପଢିହାରୀ, ବାବା ପବନୀ ରାଉତ ସଂଯୁକ୍ତା ବିଶ୍ୱାଳ, ନବେନ୍ଦୁ ବାଗଚି, ଗୈାରାଙ୍ଗ ଚରଣ ମହାନ୍ତି , ବିଜୟ ରାୟ ସମେତ ବହୁ ଶିଷ୍ୟଗଣ ଉପସ୍ଥିତ ରହି ଏହି ଗୀତା ଜ୍ଞାନଯଜ୍ଞ ମହୋତ୍ସବ ଶାନ୍ତିଶୁଙ୍ଖଳାର ସହ ପାଳନପାଇଁ କାର୍ଯ୍ୟସୁଚି ପ୍ରସ୍ତୁତ କରାଯାଇଛି । ଏଥିରେ ସମସ୍ତ ଗୀତାପ୍ରେମୀ ସଜନମାନଙ୍କୁ ସାଦର ଆମନ୍ତ୍ରଣ କରାଯିବାର ବ୍ୟାବସ୍ଥା କରାଯାଇଛି। ଏହି ଗୀତା ଜ୍ଞାନ ଯଜ୍ଞରେ ଗୀତାମାତାଙ୍କର ଅମୃତବାଣୀକୁ ଗ୍ରହଣ କରିବା ସହ ପରମହଂସଙ୍କ ଦର୍ଶନ ଓ ଆଶୀର୍ବଚନ ଲାଭ କରିବା ହେବେ । ପ୍ରତ୍ୟେକ ଦିନ ସମସ୍ତ ସର୍ଜନ ମାନଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା କରାଯିବା ପାଇଁ ଆଲୋଚନା ହୋଇଥିଲା । ଏଥି ନିମନ୍ତେ ସମସ୍ତ ସଦସ୍ୟାସଦସ୍ୟଙ୍କ ସାହାଯ୍ୟ ଓ ସହଯୋଗ କାମନା ରହିବା ଅବଶ୍ୟକ ବୋଲି କୁହାଯାଇଥିଲା । ଶେଷରେ ବାବା ଦୁଷ୍ମନ୍ତ ସାହୁ ଧନ୍ୟବାଦ ଦେଇଛନ୍ତି ।