୨ଗୋରୁ ବୋଝେଇ ଗାଡି ଜବତ, ୩ଗିରଫ

ପଟ୍ଟାମୁଣ୍ଡାଇ ୧୨/୫- କେନ୍ଦ୍ରାପଡ଼ା ଜିଲା ପଟ୍ଟାମୁଣ୍ଡାଇ ଆଦର୍ଶ ଥାନା ପୋଲିସ ମଙ୍ଗଳବାର ବେଆଇନ ଗୋରୁ ବୋଝେଇ ଦୁଇଟି ଗାଡି ଜବତ କରିଛି। ପଟ୍ଟାମୁଣ୍ଡାଇ ବଜାର ଅଂଚଳରେ ଦୁଇ ଗାଡିରେ ଗୋରୁ ଚାଲାଣ ହେଉଥିବା ସମ୍ପର୍କରେ ଖବର ପାଇ ପଟ୍ଟାମୁଣ୍ଡାଇ ଆଦର୍ଶ ଥାନା ଆଇଆଇସି ବନ୍ଦନା ପାତ୍ର ସଦଳବଳେ ଚଢ଼ାଉ କରଥିଲେ । ପଟ୍ଟାମୁଣ୍ଡାଇ ବାଇପାସ୍ ଛକ ନିକଟରୁ ୨ଟି ଗୋରୁ ବୋଝେଇ ଗାଡି ଭିତରେ ଦୟନୀୟ ଭାବେ ବନ୍ଧାଯାଇଥିବା ୮ ଗୋରୁଙ୍କୁ  ଉଦ୍ଧାର କରିବା ସହ ବେଆଇନ ଗୋରୁ ଚାଲାଣକାରୀ ଚଉଦକୁଲଟ ଚନ୍ଦନପୁର ଗ୍ରାମର ସେକ୍ ମୂରସିଦ୍‌, ସେକ ସୁରଜ୍ ଓ ନିରାକାର ବେହେରାଙ୍କୁ ଗିରଫ କରିଛି । ଏଥିନେଇ ଆଦର୍ଶ ଥାନା ପୋଲିସ ଏକ ମାମଲା ୨୦୯/୨୦୨୬ ରୁଜୁ କରି ବେଆଇନ ଗୋରୁ ଚାଲାଣ ଅଭିଯୋଗରେ ୩ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ।