ନୃସିଂହଟିକିରି ମଠରେ ଗୁରୁପୂର୍ଣ୍ଣିମା ଉତ୍ସବ ପାଳନ

କେନ୍ଦ୍ରାପଡା୨୯/୭: କେନ୍ଦ୍ରାପଡା ପୈାରାଞ୍ଚଳ ମହିପାଳସ୍ଥିତ ଟିକିରି ମଠ (ବାୟା) ମଠରେ ପବିତ୍ର ଗୁରୁପୂର୍ଣ୍ଣିମା ଉତ୍ସବ ମହନ୍ତ ବାବାଜୀ ଭବାନନ୍ଦ ଦାସ ମହାରାଜଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ପାଳନ କରାଯାଇଛି । ପ୍ରାତଃରେ ଶ୍ରୀଗୁରୁଦେବ ରାଧାରମଣ ଦେବ, ଶ୍ରୀହ ରାମଦାସ ବାବାଜୀ, ଶ୍ରୀମଦ୍ ବାୟା ବାବାଙ୍କ ସ୍ନାନ, ପୂଜନ, ବନ୍ଦନ, ଆରତୀ କରାଯାଇଥିଲା । ପରେ ଭକ୍ତମାନଙ୍କ ଦ୍ୱାରା ଭଜନ କୀର୍ତ୍ତନ କରାଯାଇଥିଲା । ସହରାଞ୍ଚଳ ଓ ଆଖପାଖ ଗ୍ରାମର ବହୁ ବାୟା ପ୍ରେମୀ ଉକ୍ତ ଉତ୍ସବରେ ଯୋଗଦେଇ ଗୁରୁକୃପା ଲାଭ କରିଥିଲେ । ଶାଖାସଂଘର ସଭାପତି, ସଂପାଦକ ସମେତ ସମସ୍ତ ସଭ୍ୟସଭ୍ୟା ଓ ମଠ ଅନ୍ତେବାସୀ ମାନେ ସହଯୋଗ କରିଥିଲେ ଶେଷରେ ପ୍ରସାଦ ସେବନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।