ପ୍ରଶାସନ ପକ୍ଷରୁ ନିଆଯାଉନି ପଦକ୍ଷେପ, ଘଟୁଛି ଦୁର୍ଘଟଣା
ପଟ୍ଟମୁଣ୍ଡାଇ ୫/୬ – କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ବ୍ଲକ କାର୍ଯ୍ୟାଳୟ ସନ୍ନିକଟ ବ୍ୟସ୍ତ ବହୁଳ ରାସ୍ତାରେ ଏକ ବିରାଟକାୟ ଗଛ ଉପୁଡ଼ି ଦୀର୍ଘ ଦିନ ହେବ ପଂଚାୟତ ସମିତି ପାଚେରୀ ଉପରେ ପଡ଼ିରହିଛି । ରାସ୍ତାର ୩୦ଭାଗ ଉପରେ ଗଛଟି ଢଳି ରହିଥିବାରୁ ଯାତାୟତ ସମ୍ପୂର୍ଣ୍ଣ ବାଧାପ୍ରାପ୍ତ ହୋଇଛି। ଉକ୍ତ ରାସ୍ତା ଦେଇ ଯାତାୟତ କରୁଥିବା ବହୁ ପଥଚାରୀଙ୍କ ମୁଣ୍ଡ ବାଜି ଛେଲି ହେଉଥିବା ଦେଖିବାକୁ ମିଳୁଛି । ହେଲେ ଗଛ କଟା ପ୍ରତି ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଇନଥିବାରୁ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।
ଗତ ଆଠ ଦିନ ପୂର୍ବରୁ ଝଡ଼ ପବନ କାଳବୈଶାଖୀ ଯୋଗୁଁ ବ୍ଲକ ପାଚେରୀ ଭିତରେ ଥିବା ଏକ ଅଡମ୍ବର ଗଛ ଭାଙ୍ଗି ବ୍ଲକ ରାସ୍ତାକୁ ଢଳି ରହିôଛିା ଗଛଟି ରାସ୍ତାର ଉପରକୁ ଢଳିପଡ଼ିଥିବାରୁ କେତେକ ପଥଚାରୀଙ୍କ ମୁଣ୍ଡ ବାଜି ଛେଲିଛାଲି ହେଉଥିବା ଦେଖିବାକୁ ମିଳିଛି । ଚାରିଚକିଆ ଯାନ ସମେତ ଅନ୍ୟାନ୍ୟ ଗାଡ଼ି ଚଳାଚଳରେ ଅସୁବିଧା ଭୋଗ କରୁଛନ୍ତି । ଏ ନେଇ ବ୍ଲକ ପ୍ରଶାସନ ନିକଟରେ ଲୋକେ ବାରମ୍ବାର ଅଭିଯୋଗ କରୁଥିଲେ ମଧ୍ୟ କେହି କର୍ଣ୍ଣପାତ କରୁନାହାଁନ୍ତି । ଯାତ୍ରୀଙ୍କ ସମସ୍ୟାକୁ ଦୃଷ୍ଟିରେ ରଖି ସ୍ଥାନୀୟ ଲୋକଙ୍କ ଉଦ୍ୟମରେ ଡାଇପାଲା ହଟାଯାଇଥିଲେ ମଧ୍ୟ ଗଛ ଖୁଂଟିଆ ବାହାରି ଆହୁ ବିପଦ ଜନକ ପରିସ୍ଥିତି ସୃଷ୍ଟି କରିଛି । ହେଲେ ସ୍ଥାନୀୟ ପୌର କି ବ୍ଲକ ପ୍ରଶାସନ କାହାର ନଜର ପଡୁନି । ଏହି ରାସ୍ତା ଦେଇ ସବୁଦିନ ହଜାର ହଜାର ଲୋକେ କୋର୍ଟ, ଟ୍ରେଜରି, ବ୍ଲକ ଓ ଭେଟନାରୀକୁ ଆସିଥାନ୍ତି । ସ୍ଥାନୀୟ ଲୋକେ ବଜାରକୁ ସାମଗ୍ରୀ ଆଣିବା ପାଇଁ ଏହି ରାସ୍ତା ବ୍ୟବହାର କରିଥାନ୍ତି । କିନ୍ତୁ ୮ ଦିନ ବିତିଯାଇଥିଲେ ବି ଗଛଟି ସେମିତି ରାସ୍ତାରେ ଢଳି ରହିଛି । ଟିକେ ଅନ୍ୟ ମନସ୍କ ହୋଲେ ଦୁର୍ଘଟଣା ଘଟିବା ଥୟ ବୋଲି ସ୍ଥାନୀୟ ଲୋକେ କହିଛନ୍ତି । ତୁରନ୍ତ ସେହି ରାସ୍ତାରେ ଢଳି ରହିଥିବା ଗଛକୁ ହଟାଇବାକୁ ସାଧାରଣରେ ଦାବି ହୋଇଛି ।