ବ୍ଲକ ଜିପିଏଲଏଫ କର୍ମୀ ସଂଘ ପକ୍ଷରୁ ଧାରଣା

ପଟ୍ଟାମୁଣ୍ଡାଇ ୨୩/୯ – କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ବ୍ଲକ ସମ୍ମୁଖରେ ବ୍ଲକ ଜିପିଏଲଏଫ ସଂଘ ପକ୍ଷରୁ ମଙ୍ଗଳବାର ବିଭିନ୍ନ ଦାବି ନେଇ ବ୍ଲକ ସମ୍ମୁଖରେ ଧାରଣା ଦେଇଥିଲେ। ଏହି ଧାରଣାରେ ବ୍ଲକ ସିଆରପି, ଏମବିକେ, ପ୍ରାଣୀମିତ୍ର, କୃଷି ମିତ୍ର, ବ୍ୟାଙ୍କ ମିତ୍ର, ଏଲଏସପି ର ମହିଳା କର୍ମଚାରୀମାନେ ଏହି ଗଣଧାରଣାରେ ସାମିଲ ହୋଇଛନ୍ତି । ସଂଘ ପକ୍ଷରୁ ରାଜ୍ୟ ସରକାରଙ୍କ ଉଦେଶ୍ୟରେ ଏକ ଦାବୀପତ୍ର ପଟ୍ଟାମୁଣ୍ଡାଇ ବିଡ଼ିଓଙ୍କୁ ପ୍ରଦାନ କରାଯାଇଛି ।
ସୁଚନାନୁଯାଇ ସ୍ଥାୟୀ ଦରମା ପ୍ରଦାନ, ୬ମାସର ବକେୟା ଦରମା ସ୍ଥାୟୀ ଦରମାରେ ସାମିଲ କରିବା, ନିୟମିତ କାର୍ଯ୍ୟ ଛାଡି ଅନ୍ୟାନ୍ୟ କାର୍ଯ୍ୟ ପାଇଁ ପାରିଶ୍ରମିକ ବ୍ୟବସ୍ଥା କରିବା, ପ୍ରତ୍ୟେକ ମାସର ଦରମା ଆକାଉଂଟ ପେ କରିବା, ୬ଟି କମ୍ୟୁନିଟ ଷ୍ଟାଫଙ୍କୁ ସ୍ଥାୟୀ ନିଯୁକ୍ତି ଦେବା ଓ ରେଭିନ୍ୟୁ ଭିଲେଜ ପ୍ରୋତ୍ସାହନ ବନ୍ଦ କରିବା ଆଦି ଦାବୀ ନେଇ ଏଲ ଓଡିଶା ଜିପିଏଲଏଫ ସଂଘ ଆହ୍ୱାନରେ ପଟ୍ଟାମୁଣ୍ଡାଇ ବ୍ଲକ ଜିପିଏଲଏଫ ସଂଘ ପକ୍ଷରୁ ମଙ୍ଗଳବାର ପଟ୍ଟାମୁଣ୍ଡାଇ ବ୍ଲକ ସମ୍ମୁଖରେ ଦିଆଯାଇଥିବା ଧାରଣାରେ ବ୍ଲକର ୩୧ଟି ପଂଚାୟତର ଏମବିକେ, ସିଆରପି, ବ୍ୟାଙ୍କ ମିତ୍ର, ପ୍ରାଣୀ ମିତ୍ର ଓ କୃଷି ମିତ୍ର ମାନେ ସାମିଲ ହୋଇ ଥିଲେ । ପଟ୍ଟାମୁଣ୍ଡାଇ ବ୍ଲକ ଜିପିଏଲଏଫ ସଂଘ ସଭାନେତ୍ରୀ ବୈଦେହୀ ପାଗଳ, ସମ୍ପାଦିକା କଲ୍ୟାଣୀ ପରିଡାଙ୍କ ନେତୃତ୍ୱରେ ସଂଯୁକ୍ତା ବେହେରା, ଆଶାଲତା ନାୟକ, ସୁଶୀଳା ସାହୁ, ବୀଣାପାଣି ମହାନ୍ତି, ଲଷ୍ମୀପ୍ରିୟା ନାୟକ ଓ ମମତା ରାଉତ ପ୍ରମୁଖ ଶତାଧିକ ମହିଳା କର୍ମକର୍ତା ସାମିଲ ହୋଇ ବ୍ଲକ ସମ୍ମୁଖରେ ଧାରଣା ଦେଇଥିଲେ ।