ଶ୍ରୀରାମ ନବମୀ ଉପଲକ୍ଷେ ବଜରଙ୍ଗ ଦଳର ବିଶାଳ ଶୋଭାଯାତ୍ରା

ପଟ୍ଟାମୁଣ୍ଡାଇ ୪/୪ – ଶ୍ରୀରାମ ନବମୀ ଉପଲକ୍ଷେ ପଟ୍ଟାମୁଣ୍ଡାଇ ହିନ୍ଦୁ ସୁରକ୍ଷା ବାହିନୀ, ବିଶ୍ୱହିନ୍ଦୁ ପରିଷଦ, ବଜରଙ୍ଗ ଦଳର ପକ୍ଷରୁ ଶୁକ୍ରବାର ଏକ ବିଶାଳ ଶୋଭାଯାତ୍ରା ଅନୁଷ୍ଠିତ ହୋଇଯାଇଛିା ହିନ୍ଦୁତ୍ୱ ସତ୍ୟ ସନାତନ ଧର୍ମର ବାର୍ତା ନେଇ ରାମଭକ୍ତ ହନୁମାନଙ୍କର ପତାକା ଧରି ଏହି ଶୋଭାଯାତ୍ରା ଆୟୋଜନ କରାଯାଇଥିଲା । ହଜିଯାଉଥିବା ହିନ୍ଦୁ ପରମ୍ପରାକୁ ଉଜ୍ଜୀବିତ କରିବା ନିମନ୍ତେ ଉକ୍ତ କାର୍ଯ୍ୟକ୍ରମ କରାଯାଇଥିଲା ବୋଲି କୁହାଯାଇଛି । ଏଥିରେ ଅଂଶଗ୍ରହଣ କରିଥିବା ହିନ୍ଦୁ ସୁରକ୍ଷା ବାହିନୀ, ବିଶ୍ୱହିନ୍ଦୁ ପରିଷଦ, ବଜରଙ୍ଗୀ ଦଳର ସମସ୍ତ ଯୁବକ ମାନେ ଏକ ଭବ୍ୟ ସୁସଜ୍ଜିତ ରଥ ସହ ଡିଜେ ବାଜାର ତାଳେତାଳେ ନାଚିନାଚି ଜୟ ଶ୍ରୀରାମ, ଜୟ ହନୁମାନ ଧ୍ୱନି ଦେଇ ନଗର ପରିକ୍ରମା କରଥିଲେ । ଏହି ବିଶାଳ ହିନ୍ଦୁ ରାଲିରେ ପ୍ରାୟ ଶତାଧିକ ବଜରଂଗୀ ଭାଇମାନେ ସାମିଲ ହୋଇ ସହର ପରିକ୍ରମା କରିଥିଲେ । ପ୍ରଥମେ ବଜରଂଗୀ ଦଳର କର୍ମକର୍ତାମାନେ ବକ୍ତାରପୁର ଠାରେ ପୂଜାର୍ଚ୍ଚନା କରିବା ପରେ ନଗର ପରିକ୍ରମା ବାହାରିଥିଲେ । କଲେଜଛକ ନିକଟରେ ପଟ୍ଟାମୁଣ୍ଡାଇ ଶିଶୁ ମନ୍ଦିର ତରଫରୁ ପାନୀୟ ଦହି ସର୍ବତ ବଂଟନ କରାଯାଇଥିଲା । ସେଠାରୁ ଶାନ୍ତିଶୁଙ୍କଳା ସହ ଏହି ଶୋଭାଯାତ୍ରା ଡାକବଙ୍ଗଳା ଛକ ଦେଇ ପୁରୁଣାପୋଲ,ତନୁପୁରଛକ, ବାଇପାସ ହୋଇ ଶ୍ରୀରାମ ମନ୍ଦିର ପ୍ରାଙ୍ଗଣରେ ଏକତ୍ରିତ ହୋଇଥିଲେ । ଏହି କାର୍ଯକ୍ରମରେ କେନ୍ଦ୍ରାପଡା ଭାଜପା ବିଧାୟୀକା ପାର୍ଥୀ ଗୀତାଂଜଳି ସେଠୀ, ରାଜନଗର ବିଧାୟକ ପାର୍ଥୀ ଲଳିତ ବେହେରା ସାମିଲ ହୋଇଥିଲେ । ପଟ୍ଟାମୁଣ୍ଡାଇ ଏସ୍‌ଡିପିଓ କ୍ଷମାସାଗର ପଣ୍ଡା, ଆଇଆଇସି ବନ୍ଦନା ପାତ୍ର ପ୍ରମୁଖ ଆଇନ ଶୃଙ୍ଖଳା ପରିସ୍ଥିତିକୁ ନିୟନ୍ତ୍ରଣାଧିନ ରଖିବା ପାଇଁ ପୋଲିସ ଫୋର୍ସ ମୁତୟନ କରାଇଥିଲେ ।