ଅଜଣା ଗାଡି ଧକ୍କାରେ ବୁଦ୍ଧ ମୃତ

ପଟ୍ଟାମୁଣ୍ଡାଇ ୧୦/୧୨ -କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ଆଦର୍ଶ ଥାନ ଅନ୍ତର୍ଗତ ଗୋଗୁଆ ନିକଟରେ ଏକ ଅଜଣା ଗାଡି ଧକ୍କାରେ ଜଣେ ବୁଦ୍ଧଙ୍କର ମୃତ୍ୟୁ ଘଟିଛି। ବୁଧବାର ସଂଦ୍ଧ୍ୟା ସମୟରେ ଏହି ଦୁର୍ଘଟଣା ଘଟିଥିବା ଜଣାପଡିଛି। ମୃତ ଜଣଙ୍କ ହେଉଛନ୍ତି ସ୍ଥାନୀୟ ଗୋଗୁଆ ଗ୍ରାମର ସୁଦର୍ଶନ ଜେନା (୭୦ ) । ଗାଡିଟି ଦୁର୍ଘଟଣା ଘଟାଇ ଦେଇ ଘଟଣାସ୍ଥଳରୁ ଫେରାର ହୋଇଯାଇଥିଲା। ଯାହାକୁ ନେଇ ସ୍ଥାନୀୟଲୋକ ଉତ୍ୟାକ୍ତ ହୋଇ ରାସ୍ତାରେ ଟାଇୟାର ଜାଳି ବିକ୍ଷେଭ ପ୍ରଦର୍ଶନ କରିବା ସହିତ ରାସ୍ତା ରୋକ କରିଥିଲେ । ଖବର ପାଇ ଅଦର୍ଶ ଥାନା ଆଇଆଇସି ବନ୍ଦନା ପାତ୍ର ଓ ଅତିରିକ୍ତ ତହସିଲ ଦାର ଦିଲ୍ଲିପ ନାଏକ ଘଟଣା ସ୍ଥଳରେ ପହଂଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବାରୁ ପରିସ୍ଥିତି ନିୟନ୍ତ୍ରଣାଧୀନ ହୋଇଥିଲା ।ପରେ ଦୁର୍ଘଟଣାଗ୍ରସ୍ତ ବୁଦ୍ଧଙ୍କୁ ପଟ୍ଟାମୁଣ୍ଡାଇ ଉପଖଣ୍ଡ ଡାକ୍ତରଖାନା ପଠାଯାଇଥିଲା । ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ବୋଲି ପୋଲିସ ସୂତ୍ରରୁ ସୂଚନା ମିଳିଛି ।