- ଛାତ୍ରଙ୍କୁ ଟପିଲେ ଛାତ୍ରୀ
- ବାଣିଜ୍ୟ ୯୨. ୪%,କଳାରେ ୮୫. ୮% ଓ ବିଜ୍ଞାନରେ ୮୫. ୩% ପାସ ହାର
- ପ୍ରୀତିମୟୀ ବାଣିଜ୍ୟ ଓ ଗୀତାଞ୍ଜଳି କଳା ଟପ୍ପର
ପଟ୍ଟାମୁଣ୍ଡାଇ ୨୧/୫ ରାଜ୍ୟ +୨ କାଉନସିଲ ଆନୁକୂଲ୍ୟରେ ଆୟୋଜିତ +୨ କଳା ବିଜ୍ଞାନ ଓ ବାଣିଜ୍ୟ ବିଭାଗ ଫଳାଫଳ ବୁଧବାର ପ୍ରକାଶ ପାଇଛି । ପଟ୍ଟାମୁଣ୍ଡାଇ କଲେଜର ୩୮୭ଜଣ ଛାତ୍ରୀଛାତ୍ର ପରୀକ୍ଷା ଦେଇଥିଲେ ସେଥିରୁ ୩୩୨ଜଣ ପାସ କରି ୮୫. ୫% ସଫଳତା ହାସଲ କରିଛନ୍ତି । ବିଜ୍ଞାନ ବିଭାଗରେ ୧୪୩ଜଣ ଛାତ୍ରୀଛାତ୍ର ପରୀକ୍ଷା ଦେଇଥିବାବେଳେ ୧୨୨ଜଣ ପାସ କରି ୮୫.୩ % ସଫଳତା ହାସଲ କରିଛନ୍ତି । ସେହିପରି ବାଣିଜ୍ୟ ବିଭାଗରେ ୧୩୨ ଜଣ ଛାତ୍ରୀଛାତ୍ର ପରୀକ୍ଷା ଦେଇ ୧୨୨ଜଣ ପାସ କରି ୯୨. ୪% ସଫଳତା ହାସଲ କରିଛନ୍ତି ।ଏହି ପରୀକ୍ଷାରେ ବାଣିଜ୍ୟ ବିଭାଗ ଛାତ୍ରୀଛାତ୍ର ମାନେ କଳା ଓ ବିଜ୍ଞାନ ଛାତ୍ରୀଛାତ୍ର ଙ୍କୁ ସଫଳତାରେ ଟପି ଯାଇଛନ୍ତି । ବାଣିଜ୍ୟ ବିଭାଗରେ ୭ଜଣ ୯୫% ମାର୍କ ରଖି ବିଶେଷ ସଫଳତା ହାସଲ କରିଛନ୍ତି ।ସେମାନଙ୍କ ମଧ୍ୟରେ ପ୍ରୀତିମୟୀ ଜେନା ୫୬୭,ପୂଜା ପ୍ରିୟଦର୍ଶନୀ ଦାସ ୫୫୯, ଲିପ୍ସା ଘଡେଇ ୫୫୧,ଶୁଭଶ୍ରୀ ନାୟକ ୫୪୩ ଶ୍ରଦ୍ଧାଞ୍ଜଳି ନାୟକ ୫୪୨ ସୁପ୍ରଭା ସେଠୀ ୫୪୦ ସେହିପରି +୨କଳା ବିଭାଗରେ ଗୀତାଞ୍ଜଳି ସାହୁ ୫୫୧ ରଖି ବିଶେଷ ସଫଳତା ହାସଲ କରିବା ସହିତ କଲେଜ ପାଇଁ ଗୌରବ ଆଣିଛନ୍ତି । ପଟ୍ଟାମୁଣ୍ଡାଇ କଲେଜର ୯୦%ରୁ ଉର୍ଦ୍ଧ ନମ୍ବର ରଖି ବିଶେଷ ସଫଳତା ହାସଲ କରିଥିବା ସମସ୍ତ କୃତି ଛାତ୍ରୀଛାତ୍ରଙ୍କୁ ଶୁଭେଚ୍ଛା ଓ ଅଭିନନ୍ଦନ ଜ୍ଞାପନ କରାଯାଇଛି ।