ପଟ୍ଟାମୁଣ୍ଡାଇ ବିକାଶ ପରିଷଦ ପକ୍ଷରୁ ମହମବତୀ ଶୋଭାଯାତ୍ରା

ପଟ୍ଟାମୁଣ୍ଡାଇ୨୦/୭-ପଟ୍ଟାମୁଣ୍ଡାଇ ବାଇପାସ ଆମ୍ବେଦକର ପ୍ରତିମୂର୍ତି ନିକଟରେ ପଟ୍ଟାମୁଣ୍ଡାଇ ବିକାଶ ପରିଷଦ ପକ୍ଷରୁ ବାଲେଶ୍ୱର ଫକୀରମୋହନ କଲେଜ ଛାତ୍ରୀ ସୌମ୍ୟାଶ୍ରୀ ବିଶିଙ୍କୁ ଶ୍ରଦ୍ଧାଞ୍ଜଳି ଜଣାଇ ଏକ ମହମବତୀ ଶୋଭାଯାତ୍ରା ଶନିବାର ଅନୁଷ୍ଠିତ ହୋଇଯଅଇଛି । ଏଥିରେ ବଳଙ୍ଗା ନାବାଳିକା ଛାତ୍ରୀଙ୍କୁ ଦୁବୃର୍ତ ମାନେ ଜିଅନ୍ତା ଜାଳିଦେବା ଓ ସମ୍ବଲପୁର ଗଙ୍ଗାଧର ମେହେର କଲେଜ ଛାତ୍ରୀଙ୍କ ଯୌନ ଶୋଷଣ ମାମଲାର ବିଧିବଦ୍ଧ ତଦନ୍ତ କରି ଅଭିଯୁକ୍ତମାନଙ୍କୁ କଠୋର ଦଣ୍ଡ ବିଧାନ ଦାବୀ କରାଯାଇଥିଲା । ପଟ୍ଟାମୁଣ୍ଡାଇ ବିକାଶ ପରିଷଦ ସଭାପତି କାଉନସିଲର ଗୋପୀବଲ୍ଲଭ ନାୟକ, ସମ୍ପାଦକ ଗୋପୀନାଥ ତ୍ରିପାଠୀ, କାଉନସିଲର ପ୍ରଶାନ୍ତ ବାରିକ କାଉନସିଲର ପ୍ରତିନିଧି ରବୀନ୍ଦ୍ର ସାହୁ ଓ ପ୍ରଭାତ ମଳିକ,ପୂର୍ବତନ କାଉନସିଲର ଗୋବିନ୍ଦ ସେଠୀ, ଶିକ୍ଷାବିତ ଚତୃର୍ଭୁଜ ରାଉଳ, ଇଂ ତପନ ପାତ୍ର, ଚିତ୍‌ଶିଳ୍ପୀ ରାଜେନ୍ଦ୍ର ଦାଶ, ପ୍ରଶାନ୍ତ ସ୍ୱାଇଁ, ରାଧାରମଣ ଦାଶ, ରାଜୀବରତନ ମିଶ୍ର,ପ୍ରମୋଦ ସାହୁ, ଶରତ ବିଶ୍ୱାଳ, ଜଗବନ୍ଧୁ ସାହୁ, ସଂଗ୍ରାମ ରାଉତ ଓ ବିଜୟ ମଲ୍ଲିକ ପ୍ରମୁଖ ସାମିଲ ହୋଇଥିଲେ ।