ତରଭୁଜ ଖାଇ ୫ ଅସୁସ୍ଥ, ୧ ନାବାଳକ ମୃତ୍ୟୁ ଅଭିଯୋଗ

ପଟ୍ଟାମୁଣ୍ଡାଇ ୧୬/୫ -କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ଆଦର୍ଶ ଥାନା ଅଂଚଳର କୁପୁଣି ଗାଁରେ ଏକ ଅଭାବନୀୟ ଘଟଣା ଘଟିଛି । ତରଭୁଜ ଖାଇ ଗୋଟିଏ ପରିବାରର ଜଣେ ୧୨ ବର୍ଷର ନାବାଳକଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ୪ ଜଣ ଅସୁସ୍ଥ ହୋଇ ଚିକିତ୍ସିତ ହେଉଛନ୍ତିା ମାତ୍ର ବିଷାକ୍ତ ତରଭୁଜ ହେତୁ ଏପରି ଘଟିଥିବା ସନ୍ଦେହ କରାଯାଉବେଳେ ସକାଳର ବାସୀ ପୋଇ ଶାଗ ତରକାରୀ ଖାଇବା ସହ ଅନ୍ୟାନ ଖାଦ୍ୟଖାଇ ଫୁଡ ପଏଜନରୁ ଏପରି ହୋଇଛି । ଏଥିନେଇ ଡାକ୍ତର ଶ୍ୟାମସୁନ୍ଦର ଟୁଡୁଙ୍କ ସହ ଏକ ଟିମ ତଦନ୍ତ କରି ଏହା ଜାଣିବାକୁ ପାଇଛନ୍ତି ବୋଲି କେନ୍ଦ୍ରାପଡା ସିଡିଏମଓ ଡାକ୍ତର ଶଚ୍ଚିଦାନନ୍ଦ ମିଶ୍ର କହିଛନ୍ତି ।
ମିଳିଥିବା ଖବର ଅନୁଯାୟୀ କୁପୁଣି ଗାଁର ଅନନ୍ତ ସେନାପତି (୬୯) ଓ ତାଙ୍କ ପୁତ୍ର ପଂଚାନନ ସେନାପତି (୫୦),ବୋହୁ ଚାରୁଲତା , ସାନ ପୁଅ ବବ୍ରୁ ବାହନ ( ୪୫) ନାତି ସ୍ୱାଧୀନ (୧୩) ନାତୁଣୀ ସ୍ୱଗତିକା (୧୫) ଆଦି ପରିବାର ଲୋକମାନେ ଶୁକ୍ରବାର ମଧ୍ୟାହ୍ନ ଖାଦ୍ୟପରେ ତରଭୁଜ ଖାଇଥିଲେ । କିଛି ସମୟପରେ ସେମାନେ ପେଟରେ ଯନ୍ତ୍ରଣା ଅନୁଭବ କରିଥିଲେ । ପରେ ପରେ ସେମାନଙ୍କର ବାନ୍ତି ଓ ପତଳା ଝାଡ଼ା ହୋଇଥିଲା । ଏହି ପରିବାରର ଅନନ୍ତ, ପଂଚାନନ, ବବ୍ରୁବାହ. ଝିଅ ସ୍ୱଗତିକା ଓ ପୁଅ ସ୍ୱାଧୀନ ୫ ଜଣ ଗୁରୁତର ଅସୁସ୍ଥ ହୋଇ ପଡିଥିଲେ । ସେମାନଙ୍କୁ ଗୁରୁତର ଅବସ୍ଥାରେ ପ୍ରଥମେ କେନ୍ଦ୍ରାପଡା ଜିଲା ମୁଖ୍ୟ ଚିକିତ୍ସାଳୟରେ ଭର୍ତି କରଯାଇଥିଲା । ମାତ୍ର ସେଠାରେ ଥିବା ଡାକ୍ତର ନାବାଳକ ସ୍ୱାଧୀନଙ୍କ ଅବସ୍ଥା ସଂଗୀନ ଥିବା ଅନୁଭବ କରି ତାଙ୍କୁ କଟକ ସ୍ଥାନାନ୍ତର କରିଥିଲେ । କଟକ ବଡ ଡାକ୍ତରଖାନାରେ ଥିବା ଡାକ୍ତର ପରୀକ୍ଷା କରି ନାବାଳକ ସ୍ୱାଧୀନ ସେନାପତିଙ୍କୁ ମୃତ ଘୋଷଣା କରିଥିଲେ । ଚିକିତ୍ସିତ ଅବସ୍ଥାରେ ମୃତ୍ୟୁ ବରଣ କରିଥିବା ସ୍ୱାଧୀନ ହେଉଛି ପଂଚାନନ ସେନାପତିଙ୍କ ଏକ ମାତ୍ର ପୁଅ । ଏହି ଘଟଣା କୁପୁଣି ଗାଁରେ ଶୋକର ଛାୟା ଖେଳାଇ ଦେଇଛି । ଏହି ଅଭାବନୀୟ ଦୁଃଖଦ ଘଟଣା ତରଭୁଜକୁ ନେଇ ଘଟିଥିବା ସାଧାରଣରେ ଆଲୋଚନା ହେଉଥିବା ବେଳେ କେନ୍ଦ୍ରାପଡା ଡାକ୍ତର ମିଶ୍ରିତ ଖାଦ୍ୟ ଖାଇ ଫୁଡ ପଏଜନରୁ ଏପରି ହୋଇଛି ବୋଲି କହିଛନ୍ତି । ଏଥିରେ ଅନନ୍ତ ସେନାପତିଙ୍କ ପରିବାରର ଅନନ୍ତ, ପଂଚାନନ, ବବ୍ରୁବାହନ ସ୍ୱାଗତିକା ଚିକିତ୍ସା ଧୀନ ଥିବାବେଳେ ଅନନ୍ତ ନାତି ସ୍ୱାଧୀନଙ୍କ ମୃତ୍ୟୁ ହୋଇଛି । ପରିବାରରେ ସ୍ୱାଧୀନଙ୍କ ମା ଚାରୁଲତା ସୁସ୍ଥ ଅଛନ୍ତି ।