ମା ଛୁଆଳିଆଙ୍କ ପୀଠରୁ ଚୋରୀ : ମା ଧାରଣ କରିଥିବା ସୁନାଗହଣା ଲୁଟିନେଲେ ଦୁର୍ବୁତ

ପଟ୍ଟାମୁଣ୍ଡାଇ ୨୮/୧୨ -ଦିନକୁ ଦିନ ପଟ୍ଟାମୁଣ୍ଡାଇ ଅଂଚଳରେ ଚୋରୀ ଡକାୟତି, ରାହାଜାନୀ ଆଦି କାର୍ଯ୍ୟକଳାପ ବୃଦ୍ଧି ପାଇବାରେ ଲାଗିଛି। ଶନିବାର ବିଳମ୍ବିତ ରାତିରେ କେନ୍ଦ୍ରାପଡା ଜିଲାର ପର୍ଯ୍ୟଟନ କ୍ଷେତ୍ର ଭାବେ ପରିଚିତ ପଟ୍ଟାମୁଣ୍ଡାଇ ଗ୍ରାମାଂଚଳ ଥାନା ଅଧିନ ଲୋକନ୍ନାଥପୁର ଗ୍ରାମର ମାଁ ଛୁଆଳିଆଙ୍କ ପୀଠରୁ ଚୋରୀ ହୋଇଛି। କିଛି ଦୁର୍ବୁତ ମନ୍ଦିରକୁ ଆସି ମା ଛୁଆଳିଆଙ୍କ ପୂଜା ସାମଗ୍ରୀ ଚୋରୀ କରିନେଇଛନ୍ତି। ପୀଠ ହୁଣ୍ଡୀ ଭାଙ୍ଗି ଦାନ ଅର୍ଥ ଲୁଟି ନେବା ସହ ମାଙ୍କ ମୂର୍ତିରେ ଲାଗିଥିବା ଲକ୍ଷାଧିକ ଟଙ୍କାର ସୁନା ରୁପା ଗହଣାକୁ ମଧ୍ୟ ତାଡି ନେଇଯାଇଛନ୍ତି । ରବିବାର ସକାଳୁ ସ୍ଥାନୀୟ ଲୋକେ ଜାଣି ପୋଲିସକୁ ଖବର ଦେଇଥିଲେ । ଘଟଣା ସ୍ଥଳରେ ପୋଲିସ ପହଁଚିବା ପୂର୍ବରୁ ସନ୍ଦେହରେ ସ୍ଥାନୀୟ ଲୋକେ ଜଣକୁ ଅଟକ ରଖି ଉତମ ମଧ୍ୟମ ଦେଇ ପୋଲିସର ଜିମା ଦେଇଛନ୍ତି । ପୋଲିସ ଉକ୍ତ ଯୁବକଜଣଙ୍କୁ ଅଟକରଖି ପଚରାଉଚରା କରିବାରୁ ଆଉ ଦୁଇଜଣ ସାମିଲଥିବା ଯୁବକ ଜଣଙ୍କ ମାନିନେଇଥିବା ଗ୍ରାମବାସୀମାନେ କହିଛନ୍ତି । ପଟ୍ଟାମୁଣ୍ଡାଇ ଗ୍ରାମାଂଚଳ ଥାନା ପୋଲିସ କେସ ନଂ- ୫୩୪/୨୦୨୫ରେ ଏକ ମାମଲା ରୁଜୁ କରିଥିବା ବେଳେ ଏସଡିପିଓ କ୍ଷମାସାଗର ପଣ୍ଡା ଘଟଣା ସ୍ଥଳରେ ଉପସ୍ଥିତ ରହି ଦତଦନ୍ତ ଜାରି ରଖିଛନ୍ତି ।