ପଟ୍ଟାମୁଣ୍ଡାଇ ୮/୫ -ୟୁନିସେଫ୍ ସହଯୋଗରେ ଓଡ଼ିଶା ପୋଲିସ ପକ୍ଷରୁ ଶୁକ୍ରବାର ଅପରାହ୍ନରେ ଭିସି ମାଧ୍ୟମରେ ପଟ୍ଟାମୁଣ୍ଡାଇ ଗ୍ରାମଂଚଳ ଓ ଆଦର୍ଶ ଥାନାରେ ‘ଜୁଭେନଟିକା–ଡିଜିଟାଲ୍ ଅଧିକାର ଏବଂ ଶିଶୁଙ୍କ ସୁରକ୍ଷା’ ଶୀର୍ଷକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି । ଡିଜିଟାଲ୍ ଦୁନିଆରେ ମହିଳା ଓ ଶିଶୁମାନେ ସମ୍ମୁଖୀନ ହେଉଥିବା ବିଭିନ୍ନ ଆହ୍ୱାନ ଓ ସମ୍ଭାବନା ବିଷୟରେ ସଚେତନତା ସୃଷ୍ଟି କରିବା ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ଥିଲା। ପ୍ରଶାସକ, ବରିଷ୍ଠ ପୋଲିସ ଅଧିକାରୀ, ଅଭିଭାବକ, ଛାତ୍ରୀଛାତ୍ର ଅଙ୍ଗନବାଡି କର୍ମୀ ସ୍ୱୟଂସହାହିକା ମହିଳା ମାନେ ଏହି ଆଲୋଚନାରେ ଅଂଶଗ୍ରହଣ କରିଥିଲେ।
ପଟ୍ଟାମୁଣ୍ଡାଇ ଆଦର୍ଶ ଥାନା ପରିସରରେ ଅନୁଷ୍ଠିତ କାର୍ଯ୍ୟକ୍ରମରେ ଅତିରିକ୍ତ ଏସପି ସୁଦ୍ଧାଶେଖର ସାହୁ ଯୋଗ ଦେଇଥିଲେ । ଆଦର୍ଶ ଥାନା ଆଇଆଇସି ବନ୍ଦନା ପାତ୍ର କାର୍ଯ୍ୟକ୍ରମକୁ ପରିଚାଳନା କରି କହିଥିଲେ ଡିଜିଟାଲ୍ ପରିବେଶରେ ଶିଶୁମାନେ ସାଇବର ବିପଦର ସମ୍ମୁଖୀନ ହେଉଛନ୍ତି ଏବଂ ଏହାର ମୁକାବିଲା ପାଇଁ ଆଇନ ପ୍ରୟୋଗକାରୀ ସଂସ୍ଥାମାନଙ୍କ ଭୂମିକା ଅତ୍ୟନ୍ତ ଦରକାରୀ। ଆଜିକାଲି ଇଂଟରନେଟ୍ ବ୍ୟବହାରକାରୀ ପିଲାଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଛାତ୍ରୀଛାତ୍ର, ଶିଶୁ, ଅଭିଭାବକ ଓ ଶିକ୍ଷକମାନଙ୍କୁ ଇଂଟରନେଟ୍ର ସୁରକ୍ଷିତ ବ୍ୟବହାର ନେଇ ସଚେତନ କରିବାର ଆବଶ୍ୟକତା ଉପରେ ଗୁରୁତ୍ୱ ଦେଇଥିଲେ। ପୋଲିସ୍ ଷ୍ଟେସନହେଉଛି ‘ଶିଶୁ ଅନୁକୂଳ ସ୍ଥାନ’ ବୋଲି କହି ଆହୁରି ଅଧିକ ଅନୁକୂଳ କରିବା ପାଇଁ ସେ ପ୍ରତିଶ୍ରୁତି ଦେଇଥିଲେ । ଡିଜିଟାଲ୍ କ୍ଷେତ୍ରରେ ଶିଶୁମାନଙ୍କୁ ସୁରକ୍ଷା ଦେବା ପାଇଁ ପୋଲିସ୍ ଏବଂ ନାଗରିକ ସମାଜର ମିଳିତ ଦାୟିତ୍ୱ ଉପରେ ସେ ଗୁରୁତ୍ୱାରୋପ କରିଥିଲେ।ସାଇବର ୱିଙ୍ଗର ‘ଚିଲଡ୍ରେନ୍ ଆଣ୍ଡ ୱିମେନ୍ ଅନଲାଇନ୍ ଆବ୍ୟୁଜ୍ ମନିଟରିଂ ୟୁନିଟ୍’ ପକ୍ଷରୁ ଅନଲାଇନରୁ କ୍ଷତିକାରକ ଓ ଅଶ୍ଳୀଳ ବିଷୟବସ୍ତୁ ହଟାଇବା ପାଇଁ ପ୍ରଶାସକଙ୍କ ପକ୍ଷରୁ ପଦକ୍ଷେପ ନିଆଯାଉଛି ବୋଲି ସେ କହିଥିଲେ।
ସେହିପରି ଗ୍ରାମାଂଚଳ ଥାନା ଅଧିକାରୀ ଶ୍ରୀକାନ୍ତ ବାରିକ ସମାବେଶକୁ ସମ୍ବୋଧିତ କରି କିଶୋରୀ-କିଶୋର ଓ ଶିଶୁମାନଙ୍କ ବିରୁଦ୍ଧରେ ସାଇବର ବିପଦର ମୁକାବିଲା କରିବାରେ ଆଇନ ପ୍ରବର୍ତନର ବିକଶିତ ଦାୟିତ୍ୱ ଉପରେ ଆଲୋକପାତ କରିଥିଲେ। ସେ କହିଥିଲେ ଇଂଟରନେଟରୁ ଶିଶୁ ଯୌନ ଶୋଷଣ ଏବଂ ନିର୍ଯାତନା ସାମଗ୍ରୀ ଏବଂ ଅନ୍ୟାନ୍ୟ କ୍ଷତିକାରକ ବିଷୟବସ୍ତୁ ଅପସାରଣ କରିବାରେ ଶିଶୁ ଏବଂ ମହିଳା ଅନଲାଇନ୍ ଅପବ୍ୟବହାର ମନିଟରିଂ ୟୁନିଟର କାର୍ଯ୍ୟ ଉପରେ ଆଲୋକପାତ କରିଥିଲେ। ତତ୍ ସହିତ ପ୍ରତିରୋଧ ଏବଂ ସଚେତନତାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ । ପିଲା, ଅଭିଭାବକ ଏବଂ ଶିକ୍ଷକମାନଙ୍କୁ ସୁରକ୍ଷିତ ଏବଂ ଦାୟିତ୍ୱପୂର୍ଣ୍ଣ ଭାବରେ ଇଂଟରନେଟ୍ ବ୍ୟବହାର କରିବା ପାଇଁ ପରାମର୍ଶ ଦେଇଥିଲେ। ଅନଲାଇନ୍ ସଂସ୍କୃତି ଏବଂ ସୋସିଆଲ ମିଡିଆ ଧାରା କିପରି କିଶୋରମାନଙ୍କ ଆକାଂକ୍ଷା ଏବଂ ପରିଚୟକୁ ଆକାର ଦିଏ ସେ ବିଷୟରେ ଆଲୋଚନା କରାଯାଇଥିଲା। ତିନୋଟି ବିଷୟବସ୍ତୁ ପ୍ୟାନେଲ୍ ଆଲୋଚନା ଅନଲାଇନ୍ ଶିଶୁ ସୁରକ୍ଷାରେ ପୋଲିସିର ଭୂମିକା ଉପରେ ଆଲୋକପାତ କରିଥିଲା। ଏହି କାର୍ଯ୍ୟକ୍ରମରେ ବହୁ ଛାତ୍ରୀଛଅତ୍ର , ଅଙ୍ଗନବାଦି ଶିକ୍ଷୟତ୍ରୀ, ସ୍ୱୟଂ ସହାୟୀକା ମହିଳା, ଜନସାଧରଣ ଉପସ୍ଥିତ ଥିଲେ ।