ଡେରାବିଶ ୫/୭ବେବର୍ତା ଅଜୟ ଦାଶ-ଡେରାବିଶ ବ୍ଲକ ଅନ୍ତର୍ଗତ ବିରୂପା ନଦୀର ଡାହାଣ ପାର୍ଶ୍ୱ ନଦୀବନ୍ଧ ଶୋଚନୀୟ ହୋଇପଡିଛି। ଫଳରେ ଦୈନଦିନ ଦୁର୍ଘଟଣା ଘଟି ଧନଜୀବନ ହାନି ଘଟୁଥିଲେ ମଧ୍ୟ ଜଳସମ୍ପଦ ବିଭାଗ ଏଥିପ୍ରତି ଦୃଷ୍ଟି ଦେଇ ନ ଥିବାରୁ ସାଧାରଣରେ ତିବ୍ର ପ୍ରତିକ୍ରିୟା ପ୍ରକାଶ ପାଇଛି। ଏହି ନଦୀ ବନ୍ଧ ରାସ୍ତାଟି ଯାଜପୁର ଜିଲ୍ଲା ରତ୍ନଗିରି ଠାରୁ କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇକୁ ସଂଯୋଗ କରିଛି। ନଦୀ କୂଳିଆ ଗ୍ରାମବାସୀ ମାନେ ପ୍ରାୟତଃ ଏହି ରାସ୍ତା ଉପରେ ଦୈନନ୍ଦିନ ଯାତାୟାତ ପାଇଁ ନିର୍ଭର କରିଥାନ୍ତି। ଏପରିକି ଏହି ରାସ୍ତା ଦେଇ ଯାତ୍ରୀବାହୀ ବସ୍ ଚଳାଚଳ କରୁଥିଲେ ମଧ୍ୟ ଏଥିପ୍ରତି କାହାରି ନଜର ନାହଁ। କିଛି ବର୍ଷ ପୂର୍ବେ ଏହି ନଦୀ ବନ୍ଧଟି ପ୍ରସସ୍ଥିକରଣ କରାଯାଇ ଯାତାୟାତ ନିମନ୍ତେ ମେଟାଲିଙ୍ଗ କରାଯାଇଥିଲା। ପରବର୍ତୀ ଅବସ୍ଥାରେ ଏହାପ୍ରତି କେହି ଗୁରୁତ୍ୱ ନ ଦେବାରୁ ଏଭଳି ଅବସ୍ଥା ଉପୁଜିଥିବା ଅଂଚଳବାସୀ ଅଭିଯୋଗ କରିଛନ୍ତି। ଏପରିକି ନଦୀବନ୍ଧ ପ୍ରଶସ୍ତିକରଣ ସମୟରେ ସମ୍ପୃକ୍ତ ଠିକାଦାର ଧସାବାଲି ବ୍ୟବହାର କରିଥିବାରୁ ବିଭିନ୍ନ ସ୍ଥାନରେ ନଦୀବନ୍ଧ ଧସି ଯାଇ ବିପଦକୁ ଆମନ୍ତ୍ରଣ କରୁଥିବା ଅଂଚଳବାସୀ କହିଛନ୍ତି। ଏହି ରାସ୍ତା ଦେଇ ବ୍ଲକ ଅଧିନସ୍ଥ ବେଣୀପୁର, ମଙ୍ଗଳପୁର, ଛୋଟି, ନହଙ୍ଗ ପ୍ରଭୁତି ପଂଚାୟତର ଜନସାଧାରଣ ଦୈନନ୍ଦିନ ଯାତାୟାତ କରୁଥିବା ବେଳେ ଯାଜପୁର ଅଂଚଳର ଜନସାଧାରଣ ପଟ୍ଟାମୁଣ୍ଡାଇ ଯିବାପାଇଁ ଏହି ନଦୀବନ୍ଧ ରାସ୍ତା ଉପରେ ନିର୍ଭର କରିଥାନ୍ତି।ଅସରାଏ ବର୍ଷା ହେଲେ ସୃଷ୍ଟି ହୋଇଥିବା ଗାଢ଼ ଗୁଡିକରେ ପାଣି ଜମିରହି ବାଇକ ଆରୋହୀଙ୍କ ପାଇଁ ସମସ୍ୟା ସୃଷ୍ଟି ହେଉଛି। ନଦୀ ବନ୍ଧ ବର୍ଷା ଯୋଗୁ ଖାଇ ଖାଇ ଚାଲିଥିବା ବେଳେ ନଈରେ ପାଣି ଆସିଲେ ନଦୀବନ୍ଧ ଭାଙ୍ଗି ବନ୍ୟା ଆଶଙ୍କାକୁ ଏଡାଇ ଦିଆଯାଇ ନ ପାରେ ବୋଲି ମଙ୍ଗଳପୁର ପଂଚାୟତ ହଳଦିଆପାଟଣା ଗ୍ରାମ ନିବାସୀ ତଥା ବ୍ଲକର ପୂର୍ବତନ ଅଧ୍ୟକ୍ଷ ସରୋଜକାନ୍ତ ସାହୁ ମତ ରଖିଛନ୍ତି। ତେବେ ଜଳସମ୍ପଦ ବିଭାଗ ଜନସାଧାରଣଙ୍କ ସ୍ୱାର୍ଥକୁ ଦୃଷ୍ଟିରେ ରଖି ନଦୀବନ୍ଧ ମରାମତି କରିବା ସହିତ ରାସ୍ତାକୁ ଯାତାୟାତ ଉପଯୋଗୀ କରିବା ପାଇଁ ସାହୁ ଦାବି କରିଛନ୍ତି।ଏନେଇ ଜଳସଂପଦ ବିଭାଗ ସହକାରି ନର୍ବାହୀ ଯନ୍ତ୍ରି ପ୍ରମୋଦ କୁମାର ରାୟଙ୍କୁ ପଚାରିବାରେ ବେଣିପୁର-ଛୋଟି ୩ କିମି ନଦୀ ବନ୍ଧ ରାସ୍ତା ଗ୍ରାମ ଉନ୍ନୟନ ବିଭାଗକୁ ହସ୍ତାନ୍ତର କରାଯାଇଛି । ଏହି ରାସ୍ତାର ଉନ୍ନତି କରଣ ବା ନବୀ କରଣ କାର୍ଯ୍ୟ ଆରଡି ବିଭାଗ କରିବେ ବୋଲି କହିଥିଲେ । ମାତ୍ର ଏନେଇ ଆରଡି ବିଭାଗ ଯନ୍ତ୍ରୀ ଶୌଳେନ୍ଦ୍ର ବିଶ୍ୱଲଙ୍କୁ ପଚାରିବାରେ ଏହି ରାସ୍ତାଟି ଆମ ବିଭାଗକୁ ହସ୍ତାନ୍ତର ଜଳସଂପଦ ବିଭାଗ ପକ୍ଷରୁ ଚିଠି ମଧ୍ୟମରେ ହସ୍ତାନ୍ତର କରାଯାଇଛି । ହେଲେ ଏହି ରାସ୍ତାର ଉନ୍ନତି କରଣ କାର୍ଯ୍ୟ ପାଇଁ କେନ୍ଦ୍ରାପଡା ପୂର୍ତ ବିଭାଗକୁ ଦିଆଯିବ ବୋଲି ପାଟକୁରା ବିଧାୟକ ଅରବିନ୍ଦ ମହାପାତ୍ର ସଂପୃକ୍ତ ବିଭାଗ ଅବଗତ କରାଇଥିବା ବିଶ୍ୱାଳ କହିଛନ୍ତି ।ତେବେ ମରଣଯନ୍ତାପାଲଟିଥିବା ଏହି ବ୍ୟସ୍ତ ବହୁଳ ନଦୀବନ୍ଧକାର୍ଯ୍ୟ କେଉଁ ବିଭାଗ କରିବ ତାକୁ ନେଇ ସାଧାରଣରେ ଅସନ୍ତୋଷ ଲାଗିରହିଥିବା ବେଳେ ଦୌତ୍ୟ ବିଭାଗୀୟ ଅଧିକାରିଙ୍କ କର୍ଯ୍ୟଦକ୍ଷତା ନେଇ ପ୍ରଶ୍ନ ବାଚି ସୃଷ୍ଠି କରିଛି ।