ପଟ୍ଟାମୁଣ୍ଡାଇ ୨୪/୧ -କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ କୋର୍ଟ ପରିସରରୁ ହୋଇଥିବା ବାଇକ ଚୋରୀ ମାମଲାର ବିଚାର କରି ପଟ୍ଟାମୁଣ୍ଡାଇ ଅତିରିକ୍ତ ଦେବାନୀ ଅଦାଲତର ବିଚାରପତି ଡି କେ ବାଲକିଷ୍ଣନ ଅଭିଯୁକ୍ତ ଦୀପକ ସେଠୀଙ୍କୁ ୨ ବର୍ଷ ୨ ମାସ ୧୫ ଦିନ ଜେଲ ଦଣ୍ଡାଦେଶ ଶୁଣାଇଛନ୍ତି। ସେ ଗତ 10 ମାସ ହେବ ଜେଲରେ ଅଛନ୍ତି । ଆଊଏକ ବର୍ଷ ଚାରି ମାସ ପନ୍ଦର ଦିନ ଦଣ୍ଡାଦେଶ କ;ଇବେ ବୋଲି App ଚିତରଞ୍ଜନ ଦାସ କହିଛନ୍ତି ।
ସୁଚନାଯୋଗ୍ୟ ପଟ୍ଟାମୁଣ୍ଡାଇ କୋର୍ଟ ପରିସରରୁ ଗତ ୨୦୨୫ ପେବୃଆରୀ ମାସ ୨୧ରେ କୋର୍ଟ ମୋହରୀ ସୁଶାନ୍ତ ଦାଶଙ୍କ ମଟରସାଇକେଲ ଚୋରୀ ହୋଇଥିଲା । ସେ ବହୁ ଖୋଜା ଖୋଜି ପରେ ଗାଡି ନପାଇବାରୁ ବାଧ୍ୟ କୋର୍ଟ ସମ୍ମୁଖରେ ଥିବା ସିସି ଟିଭି ଯାଂଚ କରିଥିଲେ । ଜନୈକ ବ୍ୟକ୍ତି ମୋଟର ସାଇକେଲ ଚୋରୀ କରି ନେଇ ଯାଉଥିବା ଦେଖିବାକୁ ପାଇଥିଲେ । ଏ ସମ୍ପର୍କରେ ସେ ପଟ୍ଟାମୁଣ୍ଡାଇ ଆଦର୍ଶ ଥାନାରେ ଲିଖିତ ଅଭିଯୋଗ କରିଥିଲେ । ପୋଲିସ ଏକ ମାମଲା ୫୨/୨୦୨୫ ରୁଜୁ କରି ତଦନ୍ତ ଚଳାଇଥିଲେ । କିଛିଦିନ ପରେ ପୋଲିସ ବାଇକ ଚୋରି ମାମଲାରେ ଅଭିଯୁକ୍ତ ଦୀପକ ସେଠୀଙ୍କୁ ଗିରଫ କରି କୋର୍ଟ ଚାଲାଣ କରିବା ସହିତ ଚୋରି ଯାଇଥିବା ହିରୋ ବାଇକ ଜବତ କରିଥିଲେ । ଦିପକ ୧୦ମାସ ହେବ ଜେଲରେ ଥିବା ବେଳେ ଶନିବାର ଏହି ମାମଲାର ବିଚାର କରାଯାଇ ଅଭିଯୁକ୍ତଙ୍କୁ ଦଣ୍ଡାଦେଶ ଦିଆଯାଇଛି। ସରକାରଙ୍କ ତରଫରୁ ଏପିପି ଚିତରଂଜନ ଦାଶ ମାମଲାକୁ ପରିଚାଳନା କରୁଥିଲେ।