କେନ୍ଦ୍ରାପଡା ୨୬/୬: ଭାରରତୀୟ ଷ୍ଟେଟ ବ୍ୟାଙ୍କ କେନ୍ଦ୍ରାପଡା ଶାଖା ତାର ୬୭ତମ ଜନ୍ମ ଉତ୍ସବ ପାଳନ କରୁଛି । ଏହି ଅବସରରେ ମୁଖ୍ୟଶାଖା ଷ୍ଟେଟ ବ୍ୟାଙ୍କ ପରିସରରେ ଏକ ରକ୍ତଦାନ ଶିବିର ଅନୁଷ୍ଟିତ ହୋଇଥିଲା । ଏହି ରକ୍ତଦାନ ଶିବିରରେ ସମୁଦାୟ ୫୨ୟୁନିଟ୍ ସଂଗ୍ରହ କରାଯାଇଥିଲା । ବର୍ତ୍ତମାନ ଜିଲ୍ଲାମୁଖ୍ୟ ଚିକିତ୍ସାଳୟର ଅତିରିକ୍ତ ଜିଲ୍ଲା ଚିକିତ୍ସା ଅଧିକାରୀ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମକୁ ଉଦ୍ଘାଟନ କରି କହିଥିଲେ ଯେ ବର୍ତ୍ତମାନ ବ୍ଲଡବ୍ୟାଙ୍କର ରକ୍ତସଂଗ୍ରହ କମି ଯାଉଛି । ତେଣୁ ରକ୍ତଦାନ ନିହାତି ଦରକାର । ଏହି କାର୍ଯ୍ୟକ୍ରମ ଏସବିଆଇ ପକ୍ଷରୁ କରାଯାଇଥିବାରୁ ବହୁତ ପ୍ରଶଂସା କରିଥିଲେ । ଏହିପରି ଜିଲ୍ଲାରେ ସବୁଶାଖାରେ ହେଲେ ଭଲହେବ ବୋଲି ପରାମର୍ଶ ଦେଇଥିଲେ । କେନ୍ଦ୍ରାପଡା ଶାଖାର ମୁଖ୍ୟ ପରିଚାଳକ ବିଶ୍ୱଜିତ ରାଉତରାୟ ଓ ବ୍ୟାଙ୍କର ଉପଶାଖା ପରିଚାଳିକା ସୁପ୍ରିୟା ମଲ୍ଲିକ କାର୍ଯ୍ୟକ୍ରମକୁ ପରିଚାଳନା କରିଥିଲେ । ଶ୍ରୀ ରାଉତରାୟ କହିଥିଲେ ଯେ ଜିଲ୍ଲାରେ ବ୍ଲଡ ବ୍ୟାଙ୍କର ରକ୍ତ ସଂଗ୍ରହ ସଂଖ୍ୟା କିମିଯାଇଥିବାରୁ ଆଜି ବ୍ୟାଙ୍କର ଜନ୍ମଦିନରେ ଏହି କାର୍ଯ୍ୟକ୍ରମ କରି ମୁଁ ବହୁତ ଆନନ୍ଦ ଅନୁଭବ କରୁଛି । ଏହି ରକ୍ତଦାନ ଶିବିର ସଫଳ କରିବାକୁ ତାଙ୍କ କର୍ମଚାରୀମାନଙ୍କୁ ଅନୁରୋଧ ଦେଇଥିଲେ । ଏହି କାର୍ଯ୍ୟକ୍ରମକୁ ବ୍ୟାଙ୍କର କର୍ମଚାରୀ ଜଗନ୍ନାଥ ପଣ୍ଡା, ରାଜେଶ୍ୱର ନାୟକ ପ୍ରମୁଖ ପରିଚାଳନା କରିଥିଲେ ।