ଠିକାଦାରଙ୍କ ସମସ୍ୟା ସମାଧାନ ପାଇଁ ବୈଠକ

କେନ୍ଦ୍ରାପଡ଼ା,୧୮ା୧:କେନ୍ଦ୍ରାପଡ଼ା ଜିଲା ଠିକାଦାର ସଂଘର ଏକ ବୈଠକ କେନ୍ଦ୍ରାପଡ଼ା ସହର ଉପକଣ୍ଠ ଶ୍ୟାମସୁନ୍ଦରପୁରରେ ଥିବା ଚଣ୍ଡିଆ ପ୍ୟାଲେସରେ ଅନୁଷ୍ଠିତ ହୋଇଯାଇଛି। ସଂଘର ଆବାହକ ଭୂବନମୋହନ ସିଂଙ୍କ ବୈଠକରେ ସଂଘର ଉଦ୍ଦେଶ୍ୟ ଓ କାର୍ଯ୍ୟକାରିତା ଉପରେ ଆଲୋଚନା କରିଥିବା ବେଳେ ଅଧ୍ୟକ୍ଷତା କକରିଥିଲେ ସଂଘର ବରିଷ୍ଠ ସଦସ୍ୟ ଲିଆକତ ଅଲ୍ଲୀ। ଏହି ବୈଠକରେ ଠିକାଦାରମାନଙ୍କ ବିଭିନ୍ନ ସମସ୍ୟା ଓ ଏହାର ସମାଧାନ ଉପରେ ଆଲୋଚନା ହୋଇଥିଲା। କେନ୍ଦ୍ରାପଡ଼ା ଗ୍ରାମ୍ୟ ଉନ୍ନୟନ ବିଭାଗ ଡିଭିଜନ-୧ରେ ଏବେ ଯେଉଁ ସବୁ ଟେଣ୍ଡର ବାହାରିବ ତାହାକୁ ସିଡ୍ୟୁଲ ରେଟ୍‌ରେ ପକାଇବା ଉଚିତ। ଏହାଦ୍ୱାରା କାମର ମାନ ସଠିକ ରହିପାରିବ। ଫଳରେ ଯେଉଁ ଠିକାଦାର ଏହି କାମ କରିବ ତାହାକୁ ଲୋକେ ପ୍ରଶଂସା କରିବେ। ଏହାସହ ସରକାର ଓ ପ୍ରଶାସନର ଲକ୍ଷ୍ୟ ଓ ଉଦ୍ଦେଶ୍ୟ ପୂରଣ ହୋଇପାରିବ। ଫଳରେ କାମର ମାନକୁ ନେଇ ସାଧରଣ ଜନତା ପ୍ରଶ୍ନ ଉଠାଇବେ ନାହିଁ ବୋଲି ବୈଠକରେ ଠିକାଦାରମାନେ ଆଲୋଚନା କରିଥିଲେ। ଯଦି କୌଣସି ଠିକାଦାର ସିଡ୍ୟୁଲ ରେଟ୍ ଠାରୁ କମ ମୂଲ୍ୟରେ ଟେଣ୍ଡର ପକାନ୍ତି ତାହା ହେଲେ ଜିଲା ଠିକାଦାର ସଂଘ ଏହାକୁ ବିରୋଧ କରିବ। କାରଣ ସଂପୃକ୍ତ ଏଜେନ୍ସୀ ସଠିକ ଭାବେ କାମ ନ କରି କାମର ମାନରେ ଠକାମୀ କରିବ। ଯାହାଦ୍ୱାରା ଜିଲାର ସମସ୍ତ ଠିକାଦାର ନିନ୍ଦିତ ହେବେ ବୋଲି ବୈଠକରେ ଆଲୋଚନା ହୋଇଥିଲା। ଏହି ବୈଠକରେ ସୁବାସ ବଳ, ଜିତେନ୍ଦ୍ର କୁମାର ଜେନା, ସରୋଜକାନ୍ତ ସାମଲ, ବିବିନ ବିହାରୀ ଦାସ, ମାଧବ ସେଠୀ, ରତ୍ନାକର ପ୍ରଧାନ, ପ୍ରକାଶ ସ୍ୱାଇଁ, କୁଞ୍ଜ ବିହାରୀ ଦାସ, ରାଜୀବ ଗାନ୍ଧୀ, ଅଜୟ ନାୟକ ପ୍ରମୁଖ ବହୁ ଠିକାଦାର ଉପସ୍ଥିତ ଥିଲେ।