ବାରୋରେ ମହାଦେବ ସେନାର ନବବର୍ଷ ପାଳନ

କେନ୍ଦ୍ରାପଡା,୧୪ା୪: କେନ୍ଦ୍ରାପଡା ବ୍ଲକର ବାରୋ ପଞ୍ଚାୟତ ଅନ୍ତର୍ଗତ ଇଟିପୁର ଗିରିମଠଠାରେ ମହାଦେବ ସେନା ପକ୍ଷରୁ ନବବର୍ଷ ପାଳନ କରାଯାଇଛି । ମହାଦେବସେନାର ରାଜ୍ୟ ସଭାପତି ବାବା ଧନେଶ୍ୱର ଦାସଙ୍କ ସଭାପତିତ୍ୱରେ ମହାବିଷୁବ ସଂକ୍ରାନ୍ତି ଉପଲକ୍ଷେ ଓଡିଆ ନବବର୍ଷ ପାଳିତ ହୋଇଯାଇଛି । ଓଡିଆ ନବବର୍ଷର ଐତିହ୍ୟ ଓ ପରମ୍ପରାର ସଂସ୍କୃତିକୁ ମନେପକାଇ ଜନଶକ୍ତି ପାର୍ଟି ରାଜ୍ୟ ସଭାପତି ପ୍ରଦୀପ ଦାସ ମୁଖ୍ୟ ଅତିଥି ଭାବେ ଯୋଗଦେଇ ସାମ୍ବାଦିକ ଶରତ ସାହୁଙ୍କୁ ସମ୍ବର୍ଦ୍ଧିତ କରିବା ସହିତ ଓଡିଆ ନବବର୍ଷର ଐତିହ୍ୟ ଓ ପରମ୍ପରା ଉପରେ ମତ ରଖିଥିଲେ । ଅନ୍ୟମାନଙ୍କ ମଧ୍ୟରେ ମହାଦେବ ସେନାର ରାଜ୍ୟ ସମ୍ପାଦକ ଗୌତମ ବେହେରା, ସୀତାକାନ୍ତ ନାୟକ, ମାନିନୀ ଷଡଙ୍ଗୀ, ନନ୍ଦକିଶୋର ପ୍ରଧାନ, ଅଭିରାମ ମଲ୍ଲିକ, ବୁଟୁ ମଲ୍ଲିକ ପ୍ରମୁଖ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ।