କାଳ ବୈଶାଖୀ ବର୍ଷା ପବନ: ଉପୁଡିଲା ବଡ ଗଛ ଓ ବିଦ୍ୟୁତ ଖୁଂଟ,ଭାଙ୍ଗିଲା କାର ଗାଡି

ପଟ୍ଟାମୁଣ୍ଡାଇ ୨୯/୫ -କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ଅଂଚଳରେ ଶୁକ୍ରବାର ସଂଧ୍ୟାରେ କାଳ ବୈଶାଖୀ ପ୍ରଭାବରେ ବ୍ୟାପକ କ୍ଷୟକ୍ଷତି ହୋଇଛି । କଳା ହାଣ୍ଡିଆ ମେଘ ସାଙ୍ଗକୁ ଘଡ ଘଡି, ବର୍ଷା ପବନ ଯୋଗୁଁ ବିଭିନ୍ନ ସ୍ଥାନରେ ବଡ଼ ବଡ଼ ଗଛ ଉପୁଡି ପଡିଛି । ବିଦ୍ୟୁତ ଖୁଂଟ ଭାଙ୍ଗି ଏକ କାର ଗାଡି ଭାଙ୍ଗିରୁଜି ଯାଇଛି। ସହର ବସଷ୍ଟାଣ୍ଡ ନିକଟ ମୁଖ୍ୟରାସ୍ତା ଉପରେ ବଡ ଗଛ ପଡିଥିବାରୁ ରାସ୍ତାରେ ଗାଡି ଚଳାଚଳ ବ୍ୟାଘାତ ହୋଇଛିା । ସ୍ଥାନୀୟ ଲୋକେ ରାସ୍ତା ଉପରୁ ଗଛକୁ କଟିବା ପ୍ରାୟ ଦୁଇ ଘଂଟା ପରେ ଉକ୍ତ ରାସ୍ତାରେ ଗାଡି ଚଳାଚଳ ସ୍ୱଭାବିକ ହୋଇଥିଲା। ପ୍ରାୟ ଅଧଘଂଟା ବର୍ଷାରେ ସହର ପାଣୀ ନସ୍କାଷନ ହୋଇ ନପାରି ରାସ୍ତାରେ ଜମା ହୋଇଛି । ବର୍ଷା ପବନ ଯୋଗୁଁ ବଜାର ଥିବା କେତେକ ଉଠା ଦୋକାନର ଆଜବେଷ୍ଟସ ଛପର ଉଡି ଯାଇ ସାମଗ୍ରୀ ନଷ୍ଟ ହୋଇ ଯାଇଥିବା ଦେଖିବାକୁ ମିଳିଛି। ବର୍ଷାପବନ ଯୋଗୁଁ ଅଂଚଳରେ ବିଦ୍ୟୁତ ସରବରାହ ବ୍ୟାଘାତ ହୋଇଛି।