ଜୟ ଜଗନ୍ନାଥ ସାଂସ୍କୃତିକ ପରିଷଦ ୨୮ତମ ବାର୍ଷିକ ଉତ୍ସବ

ପଟ୍ଟାମୁଣ୍ଡାଇ ୧୬/୪ ପଟ୍ଟାମୁଣ୍ଡାଇ ବ୍ଲକ ଅନ୍ତର୍ଗତ କୁନ୍ଦୁପୁର ଜୟ ଜଗନ୍ନାଥ ସାଂସ୍କୃତିକ ପରିଷଦ ୨୮ତମ ବାର୍ଷିକ ଉତ୍ସବ ପାଳିତ ହୋଇ ଯାଇଛି ଓ ସଂଗଠନର ପ୍ରାକ୍ତନ ସଭାପତି ଦିବଂଗତ କେଶବ ପଣ୍ଡାଙ୍କ ସ୍ମୃତି ଉଦେଶ୍ୟରେ ଏକ ପ୍ରତିଭା ସମ୍ମାନ ଓ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ରାଜନଗର ବିଧାୟକ ଧ୍ରୁବ ସାହୁ ବରେଣ୍ୟ ଅତିଥି ଭାବେ ଯୋଗ ଦେଇ ଅନୁଷ୍ଠାନର ବିଭିନ୍ନ କାର୍ଯ୍ୟକ୍ରମକୁ ପ୍ରଶଂସା କରିଥିଲେ । ଜୟ ଜଗନ୍ନାଥ ସାଂସ୍କୃତିକ ସଂଗଠନ ଆବାହକ ସତ୍ୟବ୍ରତ ପଣ୍ଡାଙ୍କ ପୌରହିତ୍ୟରେ ଆୟୋଜିତ ବର୍ଣ୍ଣାଢ୍ୟ ଉତ୍ସବରେ ଜୀବ ମଙ୍ଗଳ ଅନୁଷ୍ଠାନ ଆପୁଆ ନିର୍ଦେଶକ ବିଜୟ କବି ମୁଖ୍ୟଅତିଥି, କଥାକାର ପ୍ରଦୀପ ନାୟକ ମୁଖ୍ୟବକ୍ତା, ଅଧ୍ୟାପିକା ଭଗବତୀ ରାଉତ, ଗାଳ୍ପିକ ବିଷ୍ଣୁ ଚରଣ ଦାଶ ଓ କବି ସୁଶାନ୍ତ ଦାଶ ସମ୍ମାନିତ ଅତିଥି ଭାବେ ଯୋଗ ଦେଇ କଳା ସଂସ୍କୃତି ଓ ସାହିତ୍ୟ ଆମର ପରିଚୟ ବୋଲି ପ୍ରକାଶ କରି ଏହାର ଉନ୍ନତି ଦିଗରେ କାର୍ଯ୍ୟ କରିବାକୁ ପରାମର୍ଶ ଦେଇଥିଲେ । ଏଇ ଅବସରରେ ବିଭିନ୍ନ କ୍ଷେତ୍ରରେ କୃତିତ୍ୱ ଅର୍ଜନ କରିଥିବା ଜିଲ୍ଲାର ୧୦ଜଣ ପ୍ରତିଭାବାନ ବ୍ୟକ୍ତିତ୍ୱକୁ ମାନପତ୍ର ଉତରୀୟ ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା । କଷଣଅଂଟା ହାଇସ୍କୁଲର ଅବସରପ୍ରାପ୍ର ଶିକ୍ଷକ ସଚିତ୍ର ବେହୁରା, ସୁରେଶ ଜେନା, ସୁଲଭ ଦାସ ଓ ଖବରଦାତା ବିରଂଚି ଦାସ,ଶିକ୍ଷକ ନଟବର ସାହୁ, ମଦନପୁର କଲେଜ ଅଧ୍ୟାପକ ଶୁଭକାନ୍ତ ନାୟକ, ଶିକ୍ଷକ ନେତା ବୀର କିଶୋର ଜେନା,ମାଟିଆପଡା ହାଇସ୍କୁଲ ପ୍ରଧାନଶିକ୍ଷକ ମନୋଜ ଶତପଥୀ, ମଦନପୁର ହାଇସ୍କୁଲ ପୂର୍ବତନ ପ୍ରଧାନଶିକ୍ଷକ କାଶୀନାଥ ନାୟକ, କୁନ୍ଦୁପୁର ଗ୍ରାମର ଶିକ୍ଷାବିତ ନଟବର ମଲିକ ଓ ଶିକ୍ଷୟତ୍ରୀ ନମିତାପ୍ରଭା ଦାଶଙ୍କୁ ମାନପତ୍ର ଓ ଉପଢୌକନ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାରଥିଲା । ଏଥି ସହିତ ୬୪ଜଣ ବେଦଜ୍ଞ ବ୍ରାହ୍ମଣ ଓ ୧୦ଜଣ ସଂକ୍ରିତନ ମଣ୍ଡଳୀକୁ ନେଇ ବୃନ୍ଦାବନ ହରିହାଟ ଓ ଆନନ୍ଦ ବଜାର କାର୍ଯ୍ୟକ୍ରମ କରାଯାଇଥିଲା । ଏହି ଉତ୍ସବରେ ବହୁ ମାନ୍ୟଗଣ୍ୟ ବ୍ୟକ୍ତି, କବି ସାହିତ୍ୟିକ ବୁଦ୍ଧିଜୀବୀ ଓ ସ୍ଥାନୀୟ ଜନସାଧାରଣ ଯୋଗ ଦେଇଥିଲେ ।