ସାଂସଦ ବୈଜୟନ୍ତଙ୍କ ହସ୍ତକ୍ଷେପ ପରେ ଦକ୍ଷିଣ ଆଫ୍ରିକାରୁ ମର ଶରୀର ଗାଁରେ ପହଂଚିଲା

ପଟ୍ଟାମୁଣ୍ଡାଇ ୫/୪ ପଟ୍ଟାମୁଣ୍ଡାଇ ବ୍ଲକ ଅନ୍ତର୍ଗତ ଶ୍ରୀରାମପୁର ଗ୍ରାମର ପ୍ରତାପ ମଲିକ ସୁଦୂର ସାଉଥ ଆଫ୍ରିକାରେ କାମ କରୁଥିଲେ । ନିକଟରେ ତାଙ୍କର ଅକାଳ ବିୟୋଗ ଘଟିଥିଲା । ମାତ୍ର ସେଠାରୁ ତାଙ୍କ ମର ଶରୀର ନିଜ ଜନ୍ମ ମାଟି ଶ୍ରୀରାମପୁର ଆସିବାରେ ସମସ୍ୟା ସୃଷ୍ଟି ହୋଇଥିଲା । ମୃତ ପ୍ରତାପଙ୍କ ପରିବାର ଲୋକ ଓ ଶ୍ରୀରାମପୁର ଗ୍ରାମବାସୀ ଏ ସମ୍ପର୍କ ସହାୟତା କରିବା ପାଇଁ କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡାଙ୍କୁ ଅନୁରୋଧ କରିଥିଲେ । ସାଂସଦ ପଣ୍ଡା କେନ୍ଦ୍ର ବୈଦେଶିକ ମନ୍ତ୍ରଣାଳୟ ଓ ସାଉଥ ଆଫ୍ରିକା କମିସନରଙ୍କ ସହିତ ଯୋଗାଯୋଗ କରି ମୃତ ପ୍ରତାପ ମଲିକଙ୍କ ମର ଶରୀର ଓଡିଶା ଫେରାଇ ଆଣିବା ସହିତ ନିଜ ଗାଁ ଶ୍ରୀରାମପୁର ପଠାଇଛନ୍ତି । ଭୁବନେଶ୍ୱର ବିମାନ ବନ୍ଦରରେ ଭାଜପା ନେତା ଲଳିତ ବେହେରା ଓ ଶ୍ରୀରାମପୁର ସମିତି ସଭ୍ୟ ଉତମ ଜେନା ମର ଶରୀରରେ ପୁଷ୍ପଗୁଚ୍ଛ ଦେଇ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ସାଂସଦ ଶ୍ରୀପଣ୍ଡାଙ୍କ ସହାୟତା ପାଇଁ ଭାଜପା ନେତା ସୁଶୀଲ ପରିଡା, ମନୋଜ ନାୟକ, ଗିରିଜା ଶଙ୍କର ସାମଲ, ପରେଶ ସାହୁ, ଚନ୍ଦନ ପାତ୍ର ପ୍ରମୁଖ ସାଂସଦଙ୍କୁ କୃତଜ୍ଞତା ଜ୍ଞାପନ କରିଛନ୍ତି ।