ପଟ୍ଟାମୁଣ୍ଡାଇ ପୌରପରିଷଦ ପ୍ରଧାନମନ୍ତ୍ରୀ ଆବାସ-୨ ସଚେତନତା : କଚା ଘର ଶୂନ୍ୟ ହେବ ପୌର ପରିଷଦ!

ପଟ୍ଟାମୁଣ୍ଡାଇ ତା ୨/୫- ଓଡିଶା ସରକାରଙ୍କ ପ୍ରଧାନମନ୍ତ୍ରୀ ଆବାସ ଯୋଜନା -୨ ର ବ୍ୟାପକ ପ୍ରଚାର ପ୍ରସାର ଓ ଯୋଜନାରେ ଉପଯୁକ୍ତ ହିତାଧିକାରୀ ସାମିଲ ଉପରେ ଗୁରୁତ୍ୱାରୋପ କରୁଥିବାରୁ ପଟ୍ଟାମୁଣ୍ଡାଇ ପୌର ପ୍ରଶାସନ ଏ ଦିଗରେ ତତ୍ପରତାର ସହ କାର‌୍ୟ୍ୟ ଆରମ୍ଭ କରିଛି । ପଟ୍ଟାମୁଣ୍ଡାଇ ପୌର ପରିଷଦ ପ୍ରେକ୍ଷାଳୟ ଠାରେ ପ୍ରଧାନ ମନ୍ତ୍ରୀ ଆବାସ -୨ ସଚେତନତା କାର‌୍ୟ୍ୟକ୍ରମ ଅନୁଷ୍ଠିତ ହୋଇଯାଇଛି । ପୌର ପରିଷଦ ଅଧ୍ୟକ୍ଷ ହେମନ୍ତ ସାହୁଙ୍କ ପୌରହିତ୍ୟରେ ଆୟୋଜିତ ସଚେତନତା କାର‌୍ୟ୍ୟକ୍ରମରେ ରାଜନଗର ବିଧାୟକ ଧ୍ରୁବ ସାହୁ ମୁଖ୍ୟଅତିଥି ଭାବେ ଯୋଗ ଦେଇ ଉପେକ୍ଷିତ ଗରିବ ନିରାଶ୍ରୟ ଲୋକମାନଙ୍କୁ ମୁଣ୍ଡ ଗୁଞ୍ଜିବା ପାଇଁ ପକ୍କା ଘର ଯୋଗାଇ ଦେବା ପାଇଁ ପ୍ରଧାନମନ୍ତ୍ରୀ ଆବାସ -୨ ଆରମ୍ଭ ହୋଇଛି । ସରକାରୀ ନିର୍ଦେଶନାମା ଅନୁଯାୟୀ ସରକାରୀ ଅଧିକାରୀ ଓ ଲୋକପ୍ରତିନିଧିଙ୍କୁ ନେଇ ପୌର ଓ ୱାର୍ଡ ସ୍ତରୀୟ କମିଟି ଗଠନ ସହ ବ୍ୟାପକ ଜନସଚେତନତା ମାଧ୍ୟମରେ ଅତ୍ୟନ୍ତ ନିଷ୍ଠା ଓ ଦକ୍ଷତାର ସହିତ ହିତାଧିକାରୀ ଚୟନ କରି ଗରିବ ଓ ନିରାଶ୍ରୟ ଲୋକମାନଙ୍କୁ ଆବାସ ଯୋଗାଇବା ସହିତ କଚା ଘର ମୁକ୍ତ ପୌର ପରିଷଦ ଗଠନ କରିବା ପାଇଁ ପରାମର୍ଶ ଦେଇଥିଲେ । ପୌର ଓ ୱାର୍ଡ କମିଟି ଦ୍ୱାରା ଚୟନ କରାଯାଇଥିବା ହିତାଧିକାରୀ ତାଲିକା ବିଭିନ୍ନ ଗୁରୁତ୍ୱପୂର୍ଣ୍ଣ ଛକ ଓ ଜନଗହଳି ସ୍ଥାନରେ ଲଗାଇବାକୁ ନିର୍ଦେଶ ଦେବା ସହିତ ହିତାଧିକାରୀ ଚୟନରେ ସରକାରୀ ନିର୍ଦେଶନାମା କଡାକଡ଼ି ପାଳନ କରି ସ୍ୱଚ୍ଛତା ବଜାୟ ରଖିବାକୁ ନିର୍ଦେଶ ଦେଇଥିଲେ। ନିଜସ୍ୱ ଜମି ନଥିବା ହିତାଧିକାରୀଙ୍କୁ ଅବ୍ୟବହୁତ ସରକାରୀ ଜମି ପ୍ରଦାନ ଦିଗରେ ପଦକ୍ଷେପ ନେବାକୁ ବିଧାୟକ ପରାମର୍ଶ ଦେବା ସହିତ ପ୍ରଧାନ ମନ୍ତ୍ରୀ ଆବାସ ସହାୟତା ରାଶି ୨. ୫ ଲକ୍ଷ ଟଙ୍କା ସହିତ ୪ମାସ ମଧ୍ୟରେ ଗୃହ ସଂପୂର୍ଣ୍ଣ କରି ୨୦ହଜାର ସରକାରୀ ପ୍ରୋତ୍ସାହନ ରାଶି ଓ ୬ମାସ ମଧ୍ୟରେ ୧୦ହଜାର ସରକାରୀ ପ୍ରୋତ୍ସାହନ ରାଶି ହାସଲ କରିବାକୁ ନିବେଦନ କରିଥିଲେ । ପଟ୍ଟାମୁଣ୍ଡାଇ ପୌର ପରିଷଦ ନିର୍ବାହୀ ଅଧିକାରୀ ପ୍ରଫୁଲ୍ଲ ବିଶ୍ୱାଳ କାର‌୍ୟ୍ୟକ୍ରମ ସମ୍ପର୍କରେ ସୂଚନା ଦେଇଥିଲେ ।  କାଉନସିଲର ଗୋପୀ ବଲ୍ଲଭ ନାୟକ, ମଳୟ ଓଝା, ପ୍ରଶାନ୍ତ ବାରିକ, ମୃତ୍ୟୁଞ୍ଜୟ ପାଢ଼ୀ ଲାସ୍ୟମୟୀ ସାହୁ, ବିଦ୍ୟାଧର ସେଠୀ,ସୁବାଷ ମଲିକ, ପ୍ରିୟଙ୍କା ସେଠୀ,ସାନିଆ ପରମିନ ସାହେବା
ବନିତା ମଲିକ, ରୀନାରାଣୀ ମଲିକ, ମଧୁସ୍ମିତା ମଲିକ, ସନ୍ତୋଷ ଦାସ, ଝରଣା ବେହେରା ପ୍ରମୁଖ ବହୁ କାଉନସିଲର ଭାଷଣ ଦେଇ ପ୍ରଧାନମନ୍ତ୍ରୀ ଆବାସ ଯୋଜନାର ବିଭିନ୍ନ ଦିଗ, ବିଭିନ୍ନ ୱାର୍ଡରେ ହିତାଧିକାରୀ ଚୟନ ଓ ଗୃହ ନିର୍ମାଣ ସମସ୍ୟା ସମ୍ପର୍କରେ ଆଲୋଚନା କରିଥିଲେ । ଶେଷରେ ପୌର ଉପନିର୍ବାହୀଯନ୍ତ୍ରୀ ସମୀର ଠାକୁର ଧନ୍ୟବାଦ ଦେଇଥିଲେ । ଏହି କାର୍ଯ୍ୟକ୍ରମକୁ ସରୋଜ ପଣ୍ଡା, ତପସ୍ୱିନୀ ଦାଶ,ଅରବିନ୍ଦ ପରିଡାପ୍ରଫୁଲ୍ଲ ଦାଶ, ବ୍ରଜ କିଶୋର ସେଠୀ ପ୍ରମୁଖ ପରିଚାଳନା କରିଥିଲେ । ଏହି ସଚେତନତା କାର୍ଯ୍ୟକ୍ରମରେ ପଟ୍ଟାମୁଣ୍ଡାଇ ପୌରାଞ୍ଚଳର ବିଭିନ୍ନ ୱାର୍ଡର ବହୁ ସଂଖ୍ୟକ ହିତାଧିକାରୀ ଯୋଗ ଦେଇଥିଲେ ।