ସାପ କାମୁଡାରେ ୪ବର୍ଷର ଶିଶୁ ମୃତ

ପଟ୍ଟାମୁଣ୍ଡାଇ ୩୦/୮-ବ୍ରାହ୍ମଣୀ ନଦୀର ୩ୟ ବନ୍ୟାରେ ଜଳବନ୍ଦୀ ହୋଇପଡ଼ିଥିବା ପଟ୍ଟାମୁଣ୍ଡାଇ ବ୍ଲକ ଡାମରପୁର ପଂଚାୟତରେ ଏକ ଅଘଟଣ ଘଟିଛି । ଡାମରପୁର ପଂଚାୟତ ତେଲିପାଟଣା ଗ୍ରାମର ନାରାୟଣ ପ୍ରସାଦ ସାହୁଙ୍କ ୪ବର୍ଷର ଶିଶୁ ପୁତ୍ର ଅନ୍ତର୍ଯ୍ୟାମୀ ସାହୁ ସାପ କାମୁଡ଼ାରେ ଶନିବାର ପ୍ରାଣ ହରାଇଛନ୍ତି । ଶନିବାର ସକାଳେ ଅନ୍ତର୍ଯ୍ୟାମୀ ଖାଇ ସାରି ଘରୁ ଜୋତା ପିନ୍ଧି ବାହାରକୁ ଯିବା ପାଇଁ ବାରଣ୍ଡାରେ ଥିବା ଅଖା ବସ୍ତା ତଳୁ ଜୋତା କାଢୁ ଥିବା ସମୟରେ ଅଖା ବସ୍ତା ମଧ୍ୟରେ ଲୁଚି ରହିଥିବା ଏକ ବିଷଧର ସାପ ଅନ୍ତର୍ଯ୍ୟାମୀକୁ କାମୁଡି ଦେଇଥିଲା । ଏହା ଦେଖି ପରିବାର ଲୋକ ଓ ଗ୍ରାମବାସୀ ମାନେ ଚାରିଆଡେ ବନ୍ୟାଜଳ ଭରି ରହିଥିବାରୁ ତତ୍କାଳ ଚିକିତ୍ସା ପାଇଁ ରାସ୍ତାରେ ଶିଶୁ ଅନ୍ତର୍ଯ୍ୟାମୀକୁ ଧରି ପଟ୍ଟାମୁଣ୍ଡାଇ ସବଡ଼ିଭିଜନ ହସ୍ପିଟାଲ ଆଣିବା ବିଳମ୍ବ ହୋଇଥିଲା । ସେଠାରେ ଥିବା ଡାକ୍ତର ଶିଶୁ ଅନ୍ତର୍ଯ୍ୟାମୀକୁ ମୃତ ଘୋଷଣା କରିଥିଲେ । ମୃତ ପରିବାରକୁ ସରକାରୀ ସାହାଯ୍ୟ ଯୋଗାଇ ଦେବା ପାଇଁ ଦାବୀ ହେଉଛି ।