ପଟ୍ଟାମୁଣ୍ଡାଇ ୩୧/୮- କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ଆଦର୍ଶ ଥାନା ଅଧିନ ଏଲ୍ଆଇସି ଅଫିସ ସମ୍ମୁଖ ମ୍ୟୁନିସିପାଲଟି ଭେଣ୍ଡିଂଜୋନ କେବିନରୁ ରବିବାର ଜଣେ ମହିଳାଙ୍କ ଅଦ୍ଧଦଗ୍ଧ ଗଳିତ ମୃତଦେହ ଉଦ୍ଧାର କରାଯାଇଛି। ମୃତା ମହିଳା ଜଣଙ୍କ ହେଲେ ଆଳି ନରେନ୍ଦ୍ରପୁର ଗ୍ରାମର ବନ୍ଦିତା ରାଉତ ବୋଲି ଜଣାଯାଇଛି । ତାଙ୍କ ବାପଘର ପଟ୍ଟାମୁଣ୍ଡାଇ ଗ୍ରାମଂଚଳ ଥାନା ଅନ୍ତର୍ଗତ ବୋଧଗାଁ । ସେ ଗତ ୨୭ ତାରିଖରୁ ନିଖୋଜ ଥିଲେ । ଏ ନେଇ ତାଙ୍କ ବାପଘର ପକ୍ଷରୁ ପଟ୍ଟାମୁଣ୍ଡାଇ ଆଦର୍ଶ ଥାନାରେ ଏତଲା ଦିଆଯାଇଥିଲା । ପଟ୍ଟାମୁଣ୍ଡାଇ ପୋଲିସ ସାଇଂଟିଫିକ ଟିମ ଘଟଣା ସ୍ଥଳରେ ପହିଁଚି ଶବ ଜବତ କରି ବ୍ୟେବଚ୍ଛେଦ ପାଇଁ ପଠାଇଛି ।
ମୃତକଙ୍କ ବାପଘର ଲୋକେ କହିବାନୁଯାୟୀ ମୃତକ ବନିତା ଆଳି ବ୍ଲକ ନରେନ୍ଦ୍ରପୁର ଅଂଳର ଗତ ୧୩ ବର୍ଷ ତଳେ ବିବାହ କରିଥିଲେ । ତାଙ୍କର ୮ ବର୍ଷର ପୁଅ ଆଚ୍ଛି । ତାଙ୍କ ସ୍ୱାମୀ ବିଦେଶରେ ରୁହନ୍ତି । ଗତ ୨୭ ତାରିଖରୁ ସେ କୁଆଡେ ପଲେଇଯାଇଛନ୍ତି ବୋଲି ତାଙ୍କ ଝିଆରି ଫୋନ କରି ଜଣାଇଥିଲେ । ବାପ ଘର ଲୋକେ ତାଙ୍କୁ ଖୋଜାଖୋଜି କରି ନ ପାଇବାରୁ ଆଦର୍ଶ ଥାନାରେ ଏତଲା ଦେଇଥିଲେ।
ଅନ୍ୟପକ୍ଷରେ ପଟ୍ଟାମୁଣ୍ଡାଇ ଏଲ୍ଆଇସି ଅଫିସ ସମ୍ମୁଖ ମ୍ୟୁନିସିପାଲଟି ଭେଣ୍ଡିଂଜୋନ ରହିଛି । ଶବ ଜବତ ହୋଇଥିବା ୩୧ନଂ କେବିନ ପୌରପରିଷଦ ପକ୍ଷରୁ ବେଲତଳର ଜଣେ ବ୍ୟକ୍ତିଙ୍କ ନାମରେ ଆଲଟ ହୋଇଥିଲା ମାତ୍ର ବେଳତଳ ଲୋକ ଏହି କେବିନକୁ ଯାଜପୁର ଜିଲା ବରି ଅଂଚଳର ସନ୍ତୋଷ ଓରଫ ବାଇଆକୁ ଭଡା ସୂତ୍ରରେ ଦେଇଥିଲେ । ବାଇଆ ସେଠାରେ ଚକୁଳି ପିଠା ବ୍ୟବସାୟ କରୁଥିଲା । ଗତ କିଛିଦିନ ହେବ କେବିନ ବନ୍ଦ ରହିଥିଲା । ରବିବାର ସକାଳେ କେବିନରୁ ଦୁଗନ୍ଧ ହେବାରୁ ସ୍ଥାନୀୟ ଦୋକାନୀ ପୋଲିସକୁ ଖବର ଦେଇଥିଲେ । ପୋଲିସ, ସାଇଂଟିଫିକ ଟିମ୍ ସହିତ ଅତିରିକ୍ତ ତହସିଲଦାର ସେଠାରେ ପହଁଚି ଶବ ଜବତ କରି ଛାନଭିନ ଚଳାଇଛନ୍ତି । ପରିବାର ଲୋକେ ଏସବି ଚିହ୍ନଟ କରିଥିଲେ । ଘଟଣା ପଚାର ହେବା ପରେ ଲୋକଙ୍କ ଭିଡ ଜମିଛି ।