- ଫିଟ ଅଫ ଫାୟାର ଏକାଡେମୀର ନୃତ୍ୟ ଦର୍ଶକଙ୍କ ମନମୁଗ୍ଧ କଲା
- ଚିତାର୍କଶକ ଥିଲା ନୃତ୍ୟ ମାଧ୍ୟମରେ ସହିଦଙ୍କୁ ଶ୍ରଦ୍ଧାଞ୍ଜଳି
ପଟ୍ଟାମୁଣ୍ଡାଇ ୧୯/୬ -ରାଜ୍ୟ ସରକାରଙ୍କ ଏକ ବର୍ଷ ପୂର୍ତି ପାଳନ ଅବସରରେ ବିକାଶ ମେଳା-୨୦୨୫ ଉପଲକ୍ଷେ ସୋମବାର ଜିଲ୍ଲାସ୍ତରୀୟ ଉତ୍ସବର ୫ମ ସଂନ୍ଧ୍ୟା କାର୍ଯ୍ୟକ୍ରମ କେନ୍ଦ୍ରାପଡା ଶ୍ରୀ ବଳଦେବଜୀଉଙ୍କ ମାଉସୀମା ମନ୍ଦିର ନିକଟରେ ଅନୁଷ୍ଠିତ ହୋଇଯାଇଛି । ଏହି ସାଂସ୍କୃତିକ ସଂଧ୍ୟାରେ ପଟ୍ଟାମୁଣ୍ଡାଇର ଅଗ୍ରଣୀ ନୃତ୍ୟ ଅନୁଷ୍ଠାନ ଫିଟ ଅଫ ଫାୟାର ଡ୍ୟାନ୍ସ ଏକାଡେମୀର କଳାକାର ମାନେ ପାରଂପରିକ ଓ ସାମାଜିକ ଲୋକ ନୃତ୍ୟ ପରିବେଷଣ କରି ଦର୍ଶକଙ୍କ ମନମୁଗ୍ଧ କରିଥିଲେ।
ଏହି ଫିଟ ଅଫ ଫାୟାର ଡ୍ୟାନ୍ସ ଏକାଡେମୀର କଳାକାର ମାନେ ପ୍ରଥମ ଅର୍ଘ୍ୟରେ କେନ୍ଦ୍ରାପଡାର ଆରାଧ୍ୟ ଦେବତା ମହାପ୍ରଭୁ ଶ୍ରୀ ବଳଦେବଜିଉଙ୍କ ‘ତୁଳସି ରସିଆ’ ନୃତ୍ୟ ପରିବେଶଣ କରିଥିଲେ । ଯାହାକୁ ଦେଖି ଦର୍ଶକ ଭାବ ବିହୋଳିତ ହୋଇଥିଲେ । ଦ୍ୱିତୀୟ ଆକର୍ଷଣରେ ପହଲଗ୍ରାମରେ ଆତଙ୍କବାଦ ଆକ୍ରମଣର ସହିଦଙ୍କୁ ନୃତ୍ୟ ମାଧ୍ୟମରେ ଶ୍ରଦ୍ଧାଞ୍ଜଳି ଜଣାଇଥିଲେ। ଏହି ନୃତ୍ୟକୁ କଥା କଥନ ଶୈଳୀରେ ଅତି ସୁନ୍ଦର ଭାବରେ ପରିବେଷଣ କରି ପ୍ରସଙ୍ଗ ସହିତ ଅତି ଚମତ୍କାର ଢଙ୍ଗରେ ନୃତ୍ୟ ମାଧ୍ୟମରେ ବ୍ୟାଖ୍ୟା କରାଇଥିଲେ। ଯାହା ଦର୍ଶକଙ୍କ ହୃଦୟସ୍ପର୍ଶୀ ହୋଇଥିଲା । ଶେଷରେ ଅହମଦାବାଦ ବିମାନ ଦୁର୍ଘଟଣାରେ ପ୍ରାଣ ହରାଇଥିବା ଆତ୍ମୀୟଜନଙ୍କୁ ସ୍ୱାତନାର ଭାବାର୍ଥପୂର୍ଣ୍ଣ ନୃତ୍ୟ ଓ ଚମତ୍କାର ଉପସ୍ଥାପନା ଦର୍ଶକଙ୍କୁ ବିଭୋର କରିଥିଲା। ଏହାକୁ ମଂଚସ୍ଥ କରିଥିଲେ ଫିଟ ଅଫ ଫାୟାର ଡ୍ୟାନ୍ସ ଏକାଡ଼େମୀ ଶିଳ୍ପୀମାନେ। ଗୁରୁ ପ୍ରଶାନ୍ତ ପାତ୍ର ନୃତ୍ୟ ସଂରଚନା କରିଥିଲେ। ଏକାଡ଼େମୀ ସଭାପତି କୁଂଜ ବିହାରୀ ତ୍ର୍ରିିପାଠୀ ଓ ସମ୍ପାଦକ ପ୍ରଦ୍ୟୁମ୍ନ ଗିରି ଉପସ୍ଥିତି ରହି କଳାକଳମାନଙ୍କ ମନବଳ ବଢାଇଥିଲେ । ଶେଷରେ ଜିଲ୍ଲା ସଂସ୍କୃତି ଅଧିକାରୀ ତ୍ରିଭୂବନ ଜୟସିଂ ଓ ସହକାରୀ ଅଧିକାରୀ ରାଜକିଶୋର ରାଉତ ଏକାଡେମିର ସଭାପତି, ସମ୍ପାଦକ, ନୃତ୍ୟଗୁରୁ ଓ କଳାକାର ମାନଙ୍କୁ ମାନପତ୍ର ସହ ଟ୍ରଫି ପ୍ରଦାନ କରିଥିଲେ ।