ବରିଷ୍ଠ ନାଗରିକଙ୍କ କର୍ମକର୍ତ୍ତାଙ୍କ ନିର୍ବାଚନ

କେନ୍ଦ୍ରାପଡ଼ା,୨୧ା୮:କେନ୍ଦ୍ରାପଡା ବ୍ଲକ ଅନ୍ତର୍ଗତ ବଗଡା ଗ୍ରାମପଞ୍ଚାୟତ ସଭାଗୃହରେ ବରିଷ୍ଠ ନାଗରିକ ସଂଗଠନର ଉପଦେଷ୍ଟା ମଣ୍ଡଳୀ ଓ କାର୍ଯ୍ୟକାରୀ ସଦସ୍ୟମାନଙ୍କର ଗୁରୁବାର ଅପରାହ୍ନରେ ଏକ ସ୍ୱତନ୍ତ୍ର ବୈଠକ ଅନୁଷ୍ଠିତ ହୋଇଯାଇଛି। ଉପଦେଷ୍ଟା ମଣ୍ଡଳୀର ବରିଷ୍ଠ ସଦସ୍ୟ ବ୍ରଜକିଶୋର ବିଶ୍ୱାଳଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ବରିଷ୍ଠ ସଦସ୍ୟ କୈଳାସ ଚନ୍ଦ୍ର ସ୍ୱାଇଁ ସଂଯୋଜକ ଭାବେ ଯୋଗଦେଇ ସଭାର ଉଦେଶ୍ୟ ଜ୍ଞାପନ କରିଥିଲେ। ଏହି ଅବସରରେ କାର୍ଯ୍ୟକାରୀ କମିଟିର କର୍ମକର୍ତ୍ତା ଚୟନ କରାଯାଇ ସର୍ବସମ୍ମତି କ୍ରମେ ପ୍ରତାପ କୁମାର ନାୟକ ସଭାପତି, କ୍ଷୀରୋଦ କୁମାର ପଣ୍ଡା ଉପସଭାପତି, ନିହାରରଞ୍ଜନ ସ୍ୱାଇଁ ସମ୍ପାଦକ, ନାରାୟଣ ପଣ୍ଡା ସହ-ସମ୍ପାଦକ, କୁମୁଦରଞ୍ଜନ ରାଉତ କୋଷାଧ୍ୟକ୍ଷ, ରବୀନ୍ଦ୍ର ପ୍ରସାଦ ଜେନା ପତ୍ରିକା ସମ୍ପାଦକ ଓ ବାବାଜୀ ଚରଣ ବାରିକଙ୍କୁ ଗଣମାଧ୍ୟମ ସମ୍ପାଦକ ଭାବେ ଚୟନ କରାଯାଇଥିଲା। ବୈଠକରେ ଅନ୍ୟମାନଙ୍କ ମଧ୍ୟରେ ଫକୀର ଚରଣ ଓଝା, ବନମାଳୀ ପାତ୍ର, ସୁବୁଦ୍ଧି ଚରଣ ସାହୁ, ନାରାୟଣ ଜେନା, କରୁଣାକର ପରିଡା, କ୍ଷୀରୋଦ କୁମାର ନାୟକ ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ।