ମହିଳା ବିଡିଓଙ୍କୁ ନିର୍ଯ୍ୟାତନା ପ୍ରତିବାଦରେ ଯୁବଛାତ୍ର କଂଗ୍ରେସର ପ୍ରତିବାଦ ଓ କୁଶପୁତଳିକା ଦାହ

ପଟ୍ଟାମୁଣ୍ଡାଇ ୪/୧ – ରାଜ୍ୟର ଭାଜପା ସରକାର ସମୟରେ ମହିଳା ନିର୍ଯ୍ୟାତନା ବଢ଼ି ଚାଲିଛି । ନିକଟରେ ରାଜନଗର ଭାଜପା ନେତା ଲଳିତ ବେହେରା ରାଜନଗର ବ୍ଲକର ମହିଳା ବିଡ଼ିଓଙ୍କୁ ଆକ୍ରମଣ କରିବା ଘଟଣାର ପଟ୍ଟାମୁଣ୍ଡାଇ ଯୁବ ଓ ଛାତ୍ର କଂଗ୍ରେସ ପ୍ରତିବାଦ କରିବା ସହିତ ମେଡିକାଲ ଛକ ଠାରେ ଭାଜପା ସରକାର ବିରୋଧରେ ବିଭିନ୍ନ ସ୍ଲୋଗାନ ଦେଇ ଆକ୍ରମଣକାରୀ ଭାଜପା ନେତା ଲଳିତ ବେହେରା ଓ ତାଙ୍କ ସମର୍ଥକଙ୍କ ଗିରଫ ଦାବୀ କରିଥିଲେ । ଶେଷରେ ଯୁବ ଓ ଛାତ୍ର କଂଗ୍ରେସ ନେତାମାନେ ଭାଜପା ନେତା ଲଳିତ ବେହେରାଙ୍କ କୁଶ ପୁତଳିକା ଦାହ କରିଥିଲେ । ଏଥିରେ ଜିଲାଛାତ୍ର କଂଗ୍ରେସ ବିଭୁ ପ୍ରସାଦ ଜେନା, ଉମେଶ ପାଢ଼ୀ, ଦିବେଶ ରାଜ, ସୁରଜ ରାଉତରାୟ ବିଶ୍ୱଜିତ ଦାସ, ଆକାଶ ରାଉତରାୟ ଓ ସନତ ମଲିକ ପ୍ରମୁଖ ବହୁ ଯୁବ ଛାତ୍ର କଂଗ୍ରେସ ନେତା ସାମିଲ ହୋଇଥିଲେ ।