କଂଗ୍ରେସ ପକ୍ଷରୁ ଦେବେନ୍ଦ୍ର ଶର୍ମାଙ୍କ ଶ୍ରଦ୍ଧାଞ୍ଜଳି ସଭା

ପଟ୍ଟାମୁଣ୍ଡାଇ ୨୫/୩ -ପଟ୍ଟାମୁଣ୍ଡାଇ କଂଗ୍ରେସ ପକ୍ଷକଂଗ୍ରେସ ପକ୍ଷରୁ ଦେବେନ୍ଦ୍ର ଶର୍ମାଙ୍କ ଶ୍ରଦ୍ଧାଞ୍ଜଳି ସଭାରୁ ପୂର୍ବତନ ବିଧାୟକ ଦେବେନ୍ଦ୍ର ଶର୍ମାଙ୍କ ସ୍ମରଣରେ ମଙ୍ଗଳବାର ସ୍ଥାନୀୟ ଶ୍ରୀରାମ ମନ୍ଦିର ପ୍ରାଙ୍ଗଣରେ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଛି । ଜିଲା ଓବିସି ସେଲ ସଭାପତି ମଳୟ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ରାଜନଗର କଂଗ୍ରେସ ବିଧାୟକ ପାର୍ଥୀ ଅଶୋକ ପତିହାରି, ବରିଷ୍ଠ କଂଗ୍ରେସ ନେତା ରମାକାନ୍ତ ଦାଶ, ତପନ ପାତ୍ର ସୁନାମଣି ଦାଶ ସୁଚିତ୍ରା ବିଶ୍ୱାଳ ସର୍ବେଶ୍ୱର ସେଠୀ ପ୍ରଭାତ ସେଠୀ, ଗୌରହରି ବିଶ୍ୱାଳ,ରାମେଶ୍ୱର ପଣ୍ଡା, ଦିଲ୍ଲୀପ ସେଠୀ, ଦିବେଶ ମଲିକ, ନକୁଳ ଦାସ, ପାର୍ଥସାରଥୀ ଜେନା ସମେତ ବିଭିନ୍ନ ବର୍ଗର ବ୍ୟକ୍ତିବିଶେଷ ଭାଷଣଦେଇ । ସ୍ୱର୍ଗତ ଶର୍ମାଙ୍କ ନିଷ୍ଠା, ନିର୍ଭିକତା ଓ ଦକ୍ଷତା ସମ୍ପର୍କରେ ଉଲ୍ଲେଖ କରି ଜିଲାର ବିକାଶ ପାଇଁ ଜୀବନବ୍ୟାପି ସଂଗ୍ରାମ ଉପରେ ଆଲୋକପାତ କରିବା ସହିତ ସେ ଜଣେ ସ୍ଥିରବୁଦ୍ଧି, ଆମତ୍ ବୁଦ୍ଧିମାନ୍ ବ୍ୟକ୍ତି ଥିଲେ। ରାଜନୀତିରେ ଜଣେ ଦକ୍ଷ ରାଜନେତା ଭାବେ ବେଶ୍ ପ୍ରଭାବଶାଳୀ ଥିଲେ। ତାଙ୍କ ବକ୍ତବ୍ୟ ପ୍ରତ୍ୟେକ ରାଜନୀତି ବ୍ୟକ୍ତିଙ୍କୁ ପ୍ରଭାବିତ କରିଥାଏ । ପରେ ସ୍ୱର୍ଗତ ଶର୍ମାଙ୍କ ଅମ୍ଲାନ ସ୍ମୃତି ପ୍ରତି ଶ୍ରଦ୍ଧାସୁମନ ଅର୍ପଣ କରିଥିଲେ ।