ବ୍ରାହ୍ମଣୀରେ ଭୟଙ୍କର ବନ୍ୟା: ବିପଦ ସଂକେତ ଡେଇଁ ୧୯.୬୫ ଫୁଟରେ ପ୍ରବାହିତ ଜଳ, ଅଳଭା ଠାରେ ଘଳିଆ

ପଟ୍ଟାମୁଣ୍ଡାଇ ୧୭/୮ -କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ଦେଇ ପ୍ରବାହିତ ବ୍ରାହ୍ମଣୀ ନଦୀରେ ବନ୍ୟା ପରିସ୍ଥିତି ଅତ୍ୟନ୍ତ ଗମ୍ଭୀର ରୂପ ଧାରଣ କରିଛି। ବ୍ରାହ୍ମଣୀ ନଦୀର ଜଳ ବିପଦ ସଂକେତ ୧୬ ଫୁଟ ଥିବା ବେଳେ ବର୍ତମାନ ୨୦ ଫୁଟ ଉଚ୍ଚରେ ବନ୍ୟାଜଳ ପ୍ରବାହିତ ହେଉଛି। ଫଳରେ ନଦୀକୂଳିଆ ଗ୍ରାମଗୁଡ଼ିକରେ ବନ୍ୟା ଆଶଙ୍କା ଘନେଇବାରେ ଲାଗିଛି। ଅଳଭା ଗ୍ରାମ ନିକଟସ୍ଥ ନଦୀ ଘେରିବନ୍ଧରେ ଘଳିଆ ସୃଷ୍ଟି ହୋଇଛି। ଯାହା ଗ୍ରାମବାସୀଙ୍କ ନିଦ ହଜି ଯାଇଥିବା ବେଳେ ସ୍ଥାନୀୟ ଲୋକଙ୍କ ଅସନ୍ତୋଷ ପ୍ରକାଶ ପାଇଛିା ଜଳସମ୍ପଦ ବିଭାଗର ଆଗୁଆ ପଦକ୍ଷେପ ଅଭାବ ଓ ଅଣଦେଖା ଯୋଗୁଁ ଆଜି ଏଭଳି ସଙ୍କଟଜନକ ପରିସ୍ଥିତି ସୃଷ୍ଟି ହୋଇଛି। ଦୁର୍ବଳ ଘେରିବନ୍ଧ ଉପରେ କିଛି ଲୋକ ନିୟମ ବିରୋଧରେ ଭାରୀଯାନ ଚଳାଚଳ କରାଉଥିବାରୁ ବନ୍ଧ ଆହୁରି ଧସିବାର ଭୟ ଦେଖାଦେଇଛି। ଏହାକୁ ନେଇ ଗ୍ରାମବାସୀମାନେ ଭାରୀଯାନ ଚଳାଚଳକୁ ଦୃଢ଼ ବିରୋଧ କରିଛନ୍ତି। ବନ୍ଧର ସୁରକ୍ଷା ପାଇଁ ତୁରନ୍ତ ଗାଡ଼ି ଚଳାଚଳ ବନ୍ଦ କରିବାକୁ ଗ୍ରାମବାସୀ ଦାବି କରିଛନ୍ତି। ଖବର ପାଇ ସ୍ଥାନୀୟ ପ୍ରଶାସନ ଓ ଜଳସମ୍ପଦ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଁଚିି ବାଲିବସ୍ତା ପକାଇବାକୁ ଉଦ୍ୟମ ଜାରି ରଖିଛନ୍ତି। ପ୍ରଶାସନ ପକ୍ଷରୁ ସ୍ଥିତି ଉପରେ ନଜର ରଖାଯାଇଛି ।