ଆମ୍ବେଦକର ସ୍ମୃତି ସଂସଦ ପକ୍ଷରୁ ସମ୍ବିଧାନ ଦିବସ

ପଟ୍ଟାମୁଣ୍ଡାଇ ୨୬/୧୧– କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇର ବିଭିନ୍ନ ସ୍ଥାନରେ ବୁଧବାର ସମ୍ବିଧାନ ଦିବସ ପାଳିତ ହୋଇଯାଇଛି। ପଟ୍ଟାମୁଣ୍ଡାଇ ଆମ୍ବେଡକର ସ୍ମୃତି ସଂସଦ ପକ୍ଷରୁ ଆୟୋଜିତ ସମ୍ବିଧାନ ଦିବସ ପାଳନ ଅବସରରେ ସଂସଦର ଅନେକ ସଦସ୍ୟଙ୍କ ସମେତ ବୁଦ୍ଧିଜୀବୀ ଓ ବହୁ ଜନସାଧାରଣ ସମିଲ ହୋଇ ବଜାର ପରିକ୍ରମା କରିଥିଲେ । ଏହି କାଯ୍ୟକ୍ରମରେ ପଟ୍ଟାମୁଣ୍ଡାଇ ପୌରାଧ୍ୟକ୍ଷ ହେମନ୍ତ ସାହୁ ସମିଲ ହୋଇ ପଟ୍ଟାମୁଣ୍ଡାଇ ବାଇପାସ ସ୍ଥିତ ଥିବା ଭିମ ରାଉ ଆମ୍ବେଡକରଙ୍କ ମୃର୍ତିରେ ମଲ୍ୟାପ୍ରଣ କରାଯିବା ସହିତ ପତାକା ଉତୋଳନ କରାଯାଇଥିଲା । ସଂସଦ ସଭାପତି ଦଳିତ ନେତା ବାରେଣୀ ସେଠୀଙ୍କ ପୌରହିତ୍ୟରେ ସମ୍ପାଦକ ଗୋପୀବଲ୍ଲଭ ନାୟକ, ଗୋପିନାଥ ତ୍ରୀପାଠୀ, ଆଇନଜୀବୀ ପ୍ରମୋଦ ସାହୁ, କଳ୍ପତରୁ ମଲିକ, ଶବେଶ୍ୱର ସେଠୀ ସମେତ ବହୁ ସଦସ୍ୟ ଯୋଗ ଦେଇ ଆମ ସମ୍ବିଧାନ ଆମ ସ୍ୱାଭିମାନ ଉପରେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା। ଆମ ଦେଶ ହେଉଛି ବିଶ୍ୱର ସବୁଠୁ ବଡ଼ ଗଣତନ୍ତ୍ର ରାଷ୍ଟ୍ର। ଆମ ଦେଶର ସମ୍ବିଧାନ ମଧ୍ୟ ବିଶ୍ୱର ସବୁଠୁ ଶ୍ରେଷ୍ଠ ସମ୍ବିଧାନ। ଯାହା ଆମ ପାଇଁ ଗର୍ବର ବିଷୟ ବୋଲି ସଭାରେ ଉପସ୍ଥିତ ସଭ୍ୟମାନେ ମତବ୍ୟକ୍ତ କରିଥିଲେ । ଏହିଭଲି ଭାବେ ପଟ୍ଟାମୁଣ୍ଡାଇ ଅଂଚଳର ବିଭିନ୍ନ ସ୍ଥାନରେ ସମ୍ବିଧାନ ଦିବସ ପାଳିତ ହୋଇଯାଇଛି ।