ପଟ୍ଟାମୁଣ୍ଡାଇ ୧୩/୧୨ -ପରମହଂସ ସଦଗୁରୁ ସ୍ୱାମୀ ନିଗମାନନ୍ଦ ସରସ୍ୱତୀ ଦେବଙ୍କ ପ୍ରତିଷ୍ଠିତ ପୁରୀସ୍ଥିତ ନୀଳାଚଳ ସାରସ୍ୱତ ସଂଘ ଆହ୍ୱାନ କ୍ରମେ କେନ୍ଦ୍ରାପଡ଼ା ଜିଲ୍ଲା ସଂଘର ୬୪ତମ ଅଧିବେଶନ ଓ ଓଉପଦା ସାରସ୍ୱତ ସଂଘର ୫୬ତମ ବାର୍ଷିକ ଉତ୍ସବ ପଟ୍ଟାମୁଣ୍ଡାଇ ମଣ୍ଡଳର ଓଉପଦା ଠାରେ ଅନୁଷ୍ଠିତ ହୋଇଯାଇଛି । ତିନିଦିନ ଧରି ଅନୁଷ୍ଠିତ ହେଉଥିବା ଉତ୍ସବ/ଅଧିବେଶକୁ ନୀଳାଚଳ ସାରସ୍ୱତ ସଂଘ ପରିଚାଳନା କମିଟିର ପରିଚାଳକ ଶରତ ଚନ୍ଦ୍ର ସିଂଦେଓଙ୍କ ଦ୍ୱାରା ଏକ ଆଧ୍ୟାତ୍ମିକ ପରିବେଶରେ ଆନନ୍ଦ ଉଲ୍ଲାସ ମଧ୍ୟରେ ଅନୁଷ୍ଠିତ ହୋଇଥିଲା। ଏହି ଉତ୍ସବରେ ସଭ୍ୟ ସଂଗ୍ରାମ କେଶରୀ ସିହ୍ନା, ସଂଗ୍ରାମ କେଶରୀ ମଲ୍ଲିକ , କେନ୍ଦ୍ରାପଡ଼ା ଜିଲ୍ଲା ସଂଘର ସଭାପତି ବିଜୟ ପରିଜା, ସମ୍ପାଦକ ରମାକାନ୍ତ ମହାପାତ୍ର ଓ ଓଉପଦା ସାରସ୍ୱତ ସଂଘର ସଭାପତି ମୁରଲୀଧର ଜେନା, ସମ୍ପାଦକ ଦୁର୍ଗାଚରଣ କର ପରିଚାଳନାରେ ଅଂଶ ଗ୍ରହଣ କରିଥିଲେ ।ଏହି ଅଧିବେଶନରେ ସ୍ଥାନୀୟ ଅଂଚଳର ଓ କେନ୍ଦ୍ରାପଡ଼ା ଜିଲାର ସମସ୍ତ ଶାଖା ସଂଘର ମା ଓ ଭାଇ ମାନେ ଏବଂ ନିମନ୍ତ୍ରିତ ଅତିଥିମାନେ ଯୋଗଦାନ କରିଥିଲେ ।ଏହି ଉତ୍ସବରେ ସ୍ଥାନୀୟ ୫ ଗୋଟି ହାଇସ୍କୁଲର ମାଟ୍ରିକ ପରୀକ୍ଷାରେ ସର୍ବୋଚ୍ଚ ନମ୍ବର ରଖିଥିବା କୃତି ଛାତ୍ରୀଛାତ୍ରମାନଙ୍କୁ ସମ୍ବୋଧିତ କରାଯାଇଥିଲା ।