ପଟ୍ଟାମୁଣ୍ଡାଇ ୧୬/୮ – କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ଆଦର୍ଶ ଥାନ ଅଧିନ ଚଉଦକୁଲାଟ ଫାଣ୍ଡି ଅଂଚଳରେ ଜଣେ ମହିଳାଙ୍କୁ ଅସଡାଚଣ ସହ ଆକ୍ରମଣ ହୋଇଛି। ଏନେଇ ମହିଳା ଜଣଙ୍କ ଫାଣ୍ଡିରେ ଅଭିଯୋଗ କରିଛନ୍ତି। ଅଭିଯୋଗକୁ ଭିତି କରି ପୋଲିସ ଉଭୟ ପକ୍ଷଙ୍କୁ ଡାକି ଅଭିଯୋଗର ଛାନବିନ ଜାରି ରଖିଛି ।
ମିଳିଥିବା ସୂଚନା ମୁତାବକ ରବିବାରେ ମହିଳା ଜଣକ କୌଣସି କାମରେ ଚଉଦକୁଲାଟରୁ ଘରକୁ ତାଙ୍କ ପୁଅ ଗାଡିରେ ଫେରୁଥିଲେ । ବାଟରେ ଏକ ସ୍ଥାନରେ ପୁଅ ଗାଡିରୁ ଓହ୍ଲାଇ କିଛି ଦୂର ପରିଶ୍ରା ଯାଇଥିଲେ। ମା ପରିଶ୍ରା ଯିବାରୁ ପୁଅ ସେଠାରୁ କିଛିଦୂର ଗାଡିନେଇ ଛିଡା ହୋଇଥିଲେ । ମହିଳା ଜଣଙ୍କ ଏକ ପଂଚାୟତ ଅଫିସ ପାର୍ଶ୍ୱକୁ ପରିଶ୍ରା ଯାଇଥିବା ବେଳେ ଗ୍ରାମର ୨ ଜଣ ବ୍ୟକ୍ତି ପହଁଚି ତାଙ୍କୁ ଅସଡାଚରଣ କରିଥିଲେ ବୋଲି ଅଭିଯୋଗରେ ଦର୍ଶାଇଛନ୍ତି। ମହିଳା ଜଣଙ୍କ ଏହାର ପ୍ରତିବାଦ କରିବାରୁ ସମ୍ପୃକ୍ତ ବ୍ୟକ୍ତି ଦ୍ୱୟ ତାଙ୍କ ମୋବାଇଲ ଛଡାଇ ଭାଙ୍ଗି ଦେଇଥିଲେ। ପରେ ଜବରଦସ୍ତ ତାଙ୍କ ବ୍ଲାଉଜକୁ ଚିରିଦେଇଥିଲେ । ମହିଳା ଜଣଙ୍କ ଚିତ୍କାର କରିବାରୁ ଉଭୟ ବ୍ୟକ୍ତି ଦ୍ୱୟ ସେଠାରୁ ଚମ୍ପଟ ମାରିଥିଲେ ବୋଲି ମହିଳା ଜଣଙ୍କ ଏତଲାରେ ଉଲ୍ଲେଖ କରିଛନ୍ତି ।