ପଟ୍ଟାମୁଣ୍ଡାଇ ବ୍ଲକ ଓ ପୌରାଂଚଳରେ ରାଜ୍ୟ ଛାତ୍ର କଂଗ୍ରେସ ପକ୍ଷରୁ ରିଲିଫ ବଂଟନ

ପଟ୍ଟାମୁଣ୍ଡାଇ ୧୪/୮ – ପଟ୍ଟାମୁଣ୍ଡାଇ ବ୍ଲକ ଓ ପୌରାଂଚଳର ବିଭିନ୍ନ ବନ୍ୟା ପ୍ରଭାବିତ ଅଂଚଳରେ ରାଜ୍ୟ ଛାତ୍ରକଂଗ୍ରେସ ପକ୍ଷରୁ ରିଲିଫ ବଂଟନ କାର୍ଯ୍ୟ କରାଯାଇଛି। ରାଜ୍ୟ ଛାତ୍ର କଂଗ୍ରେସ କମିଟିର ସଭାପତି ବିଭୂତି ମହାପାତ୍ରଙ୍କ ନେତୃତ୍ୱରେ ପୂର୍ବତନ ବିଧାୟିକା ଡ଼ ସିପ୍ରା ମଲିକ,ଜିଲା ଛାତ୍ର କଂଗ୍ରେସ ସଭାପତି ଦିବ୍ୟରଞ୍ଜନ ରାଉତ, ଜିଲା ସାଙ୍ଗଠନିକ ଉପସଭାପତି ସତ୍ୟପ୍ରିୟ ସାମଲ, ପଟ୍ଟାମୁଣ୍ଡାଇ ବ୍ଲକ କଂଗ୍ରେସ କମିଟି ସଭାପତି ପ୍ରକାଶ ମହାନ୍ତି, ଜିଲା ସୋସିଆଲ ମିଡିଆ ଅଧ୍ୟକ୍ଷ ହିମାଂଶୁ ନନ୍ଦ, ଭାଗୀରଥୀ ଜେନା, ବିଦ୍ୟୁଭୂଷଣ ମହାପାତ୍ର, ହଳଧର ସେଠୀ ଓ ଧନେଶ୍ୱର ଦାସ, ଦିବେଶ ମଲିକଙ୍କ ସମେତ ବହୁ କଂଗ୍ରେସ ଛାତ୍ରକଂଗ୍ରେସ କର୍ମୀ ଓ ନେତା ଯୋଗ ଦେଇ ପଟ୍ଟାମୁଣ୍ଡାଇ ବ୍ଲକର ବାଲିପାଟଣା, ଅଲପୁଆ, ତାରଡିପାଳ, ପେଣ୍ଠପାଳ, ସିଂହଗାଁ, ଅଣ୍ଢରା, ଅମୃତମଣୋହି ଶ୍ରୀରାମପୁର, ବାଛରା, ଡାମରପୁର, ତନୁପୁର, ନନ୍ଦିନ ନଗର ଓ ବାଲିପଡ଼ା ଆଦି ବିଭିନ୍ନ ଅଂଚଳରେ ବନ୍ୟା ପ୍ରଭାବିତ ପରିବାରମାନଙ୍କୁ ରିଲିଫ ଆକାରରେ ପାଲ, ଖାଦ୍ୟ ସାମଗ୍ରୀ ଓ ଅନ୍ୟାନ୍ୟ ଆବଶ୍ୟକୀୟ ସହାୟତା ପ୍ରଦାନ କରିଛନ୍ତି ।