ପଟ୍ଟାମୁଣ୍ଡାଇ କଲେଜରେ ଜାତୀୟ ଟବାକୋ ଆୟୁତ କାର୍ଯ୍ୟକ୍ରମ

ପଟ୍ଟାମୁଣ୍ଡାଇ ତା ୧୬/୪- ପଟ୍ଟାମୁଣ୍ଡାଇ କଲେଜ ସାଇନ୍ସ ସୋସାଇଟି ଓ କେନ୍ଦ୍ରାପଡ଼ା ପଟ୍ଟାମୁଣ୍ଡାଇ କମ୍ୟୁନିଟ ହେଲଥ ସେଣ୍ଟର ପକ୍ଷରୁ ଏକ ଜାତୀୟ ଟବା କୋ ଆୟୁତ ସଚେତନତା ଶିବିର ଅନୁଷ୍ଠିତ ହୋଇଯାଇଛି ।  ପଟ୍ଟାମୁଣ୍ଡାଇ କଲେଜ ଅଧ୍ୟକ୍ଷ ପ୍ରଫେସର ଦିଲ୍ଲୀପ ଭୂୟାଁଙ୍କ ପୌରହିତ୍ୟରେ ଆୟୋଜିତ କାର୍ଯ୍ୟକ୍ରମ କେନ୍ଦ୍ରାପଡ଼ା ଓ ପଟ୍ଟାମୁଣ୍ଡାଇ କମ୍ୟୁନିଟ ହେଲଥ ସେଣ୍ଟର ପକ୍ଷରୁ ଡ଼ା ଅଶୋକ ସାହୁ, ଏପିଡେମୋଲଜିଷ୍ଟ ଡ଼ା ପୁରବୀ ପରିଡା, ଆୟୁଷ ମେଡିକାଲ ଅଫିସର ଶ୍ୟାମ ସୁନ୍ଦର ବିଶ୍ୱାଳ, ପି ଏଚ ଇ ଓ ସ୍ନେହଲତା ମହାନ୍ତି ପ୍ରମୁଖ ଯୋଗ ଦେଇ ଟବାକୋ ବ୍ୟବହାର ଦ୍ୱାରା ଶରୀର ଉପରେ କୁପ୍ରଭାବ ଉପରେ ଆଲୋକପାତ କରି ଟବା କୋ ବର୍ଜନ ପାଇଁ ସଚେତନତା ସୃଷ୍ଟି କରିଥିଲେ । ପଟ୍ଟାମୁଣ୍ଡାଇ କଲେଜ ସାଇନ୍ସ ସୋସାଇଟି ଉପସଭାପତି ପ୍ରାଧ୍ୟାପକ ଡ଼ ଦୁଃଶାସନ ପରିଡା ସ୍ୱାଗତଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ । ଏଇ ଅବସରରେ ଆୟୋଜିତ କୁଇଜ, ଝୋଟି ଓ ପୋଷ୍ଟର ପ୍ରତିଯୋଗିତାର କୃତି ଛାତ୍ରଛାତ୍ରୀଙ୍କୁ ଟ୍ରଫି ପ୍ରଦାନ କରାଯାଇଥିଲା ।  ଶେଷରେ ଅଧ୍ୟାପକ ଅମିତ ସାହୁ ଧନ୍ୟବାଦ ଦେଇଥିଲେ । ଏହି କାର୍ଯ୍ୟକ୍ରମକୁ ପ୍ରାଧ୍ୟାପକ କ୍ୟାପଟେନ ମନୋଜ ପରିଡା ସରୋଜକାନ୍ତ ନାୟକ, ସୁଭାଶିଷ ମିଶ୍ର, ଆଲୋକ ସାହୁ, ଜିତେନ୍ଦ୍ର ମଲ୍ଲିକ ପରିଚାଳନା କରିଥିଲେ ।