ପ୍ରଜାପିତା ବ୍ରହ୍ମାକୁମାରୀ ଇଶ୍ଵରୀୟ ବିଶ୍ୱବିଦ୍ୟାଳୟ ସେବା କେନ୍ଦ୍ରରେ ଶ୍ରଦ୍ଧାଞ୍ଜଳି ସଭା

ପଟ୍ଟାମୁଣ୍ଡାଇ ତା ୨/୧- ପ୍ରଜାପିତା ବ୍ରହ୍ମାକୁମାରୀ ଇଶ୍ୱରୀୟ ବିଶ୍ୱବିଦ୍ୟାଳୟ ପଟ୍ଟାମୁଣ୍ଡାଇ ସେବା କେଦ୍ରରେ ନବ ବର୍ଷ ଅବସରରେ ବ୍ରହ୍ମ ଯୋଗିନୀ ଡା କମଲେଶ ଦିଦିଙ୍କ ସ୍ମୃତି ଉଦେଶ୍ୟରେ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଛି ।  କେନ୍ଦ୍ର ସଞ୍ଚଳିକା ଶଶୀରେଖା ଦିଦିଙ୍କ ସଂଯୋଜନାରେ ଆୟୋଜିତ ସଭାରେ ରାଜନଗର ବିଧାୟକ ଧ୍ରୁବ ସାହୁ ମୁଖ୍ୟଅତିଥି ଭାବେ ଯୋଗ ଦେଇ ପ୍ରଜା ପିତା ଇଶ୍ୱରୀୟ ବିଶ୍ୱବିଦ୍ୟାଳୟ ଏକ ପ୍ରମୁଖ ସମାଜ ସଂସ୍କାର ସଂଗଠନ ।  ବିଭିନ୍ନ ସାମାଜିକ କୁସଂସ୍କାର ବିରୋଧରେ ସଚେତନତା ସୃଷ୍ଟି ଏହି ସଂଗଠନ ଭାତୃତ୍ୱ ଓ ସାମାଜିକ ଭାଇଚାରା ପ୍ରତିଷ୍ଠା କରିପାରିଛି । ତ୍ୟାଗ ଓ ତିତିକ୍ଷାର ପ୍ରତୀକ ଦିବଙ୍ଗତା ଡା କମଲେଶ ଦିଦି ଏହି ସଂଗଠନର ପ୍ରଚାର ପ୍ରସାର କ୍ଷେତ୍ରରେ ପ୍ରମୁଖ ଭୂମିକା ଗ୍ରହଣ କରିଥିଲେ ବୋଲି ମତ ପ୍ରକାଶ କରି ବିଧାୟକ ତାଙ୍କ ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ପଟ୍ଟାମୁଣ୍ଡାଇ ପୌର ପରିଷଦ ଅଧକ୍ଷ ହେମନ୍ତ ସାହୁ,ସଂଗୀତ ଗୁରୁ ରବୀନ୍ଦ୍ର ନାଥ ମିଶ୍ର, ଶିକ୍ଷାବିତ ସର୍ବେଶ୍ୱର ମହାନ୍ତି,ସଂଗୀତ ନିର୍ଦେଶକ ବ୍ରଜସୁନ୍ଦର ପାଲ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇ ପ୍ରଜାପିତା ବ୍ରହ୍ମାକୁମାରୀ ଇଶ୍ୱରୀୟ ବିଶ୍ୱବିଦ୍ୟାଳୟ କାର୍ଯ୍ୟଧରା ସମ୍ପର୍କ ରେ ଆଲୋକପାତ କରିବା ସହିତ ଦିବଙ୍ଗତା ଡା କମଲେଶ ଦିଦିଙ୍କ ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ ।  ଶେଷରେ ଆଳି ସେବା କେନ୍ଦ୍ର ସଞ୍ଚାଳିକା ସଂଯୁକ୍ତା ଦିଦି ଧନ୍ୟବାଦ ଦେଇଥିଲେ ।  ଏଥିରେ ପଟ୍ଟାମୁଣ୍ଡାଇ ଆଳି ଓ ରାଜନଗରଅଂଚଳର ବହୁ ବ୍ରହ୍ମ କୁମାର ବ୍ରହ୍ମ କୁମାରୀ ଭାଇ ଭଉଣୀ ଯୋଗ ଦେଇଥିଲେ ।