- କଟକ ବଡ ଡାକ୍ତରଖାନାରେ ଚିକିତ୍ସିତ
- ଜ୍ୱାଇଁଙ୍କୁ ଡାକି ମାଡ଼ ମରାଯାଇଥିବା ଅଭିଯୋଗ
କେନ୍ଦ୍ରାପଡା ୧୯/୫ – କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ଆଦର୍ଶ ଥାନା ସେକପୁର ବନ୍ଧପଡା ଗାଁରେ ପାରିବାରିକ ବିବାଦକୁ କେନ୍ଦ୍ରକରି ଶ୍ୱଶୁର ଘର ଲୋକେ ଜ୍ୱାଇଁଙ୍କୁ ଘରକୁ ଡାକି ନିର୍ଧୂମ ମାଡ଼ ମରାଯାଇଥିବା ନେଇ ଥାନାରେ ଅଭିଯୋଗ ହୋଇଛି । ଏଥିରେ ଜ୍ୱାଇଁ ଗୁରୁତର ଆହତ ହୋଇଥିବା ବେଳେ ପ୍ରଥମେ ପଟ୍ଟାମୁଣ୍ଡାଇ ପରେ କଟକ ମେଡିକାଲକୁ ଚିକିତ୍ସା ହେଉଛନ୍ତି। ଏଥିନେଇ ଯୁବକଙ୍କ ଭଉଣୀ କଣ୍ଢେଇ ସେଠୀ ଘଟଣା ସମ୍ପର୍କରେ ପଟ୍ଟାମୁଣ୍ଡାଇ ପଟ୍ଟାମୁଣ୍ଡାଇ ଆଦର୍ଶ ଥାନାରେ ଅଭିଯୋଗ ହୋଇଛି । ପୋଲିସ ଜ୍ୱାଇଁକୁ ମାଡ଼ ମରା ଘଟଣା ନେଇ ପଟ୍ଟାମୁଣ୍ଡାଇ ଆଦର୍ଶ ଥାନା ଆଇଆଇସି ବନ୍ଦନା ପାତ୍ରଙ୍କ ନିର୍ଦେଶରେ ପୋଲିସ ଘଟଣାସ୍ଥଳକୁ ଯାଇ ଛାନ ଭିନ କରିଛି ।
ଅଭିଯୋଗ ଅନୁଯାଇ ପଟ୍ଟାମୁଣ୍ଡାଇ ଆଦର୍ଶ ଥାନା ଅନ୍ତର୍ଗତ ସେକପୁର ବନ୍ଧସାହି ଗ୍ରାମର ଭରତ ସେଠୀଙ୍କ ଝିଅ ପୂର୍ଣ୍ଣିମା ସେଠୀ ଗତ ୩ ବର୍ଷ ତଳେ ମହାକାଳପଡ଼ା ଥାନା ଅନ୍ତର୍ଗତ ଅଳାଇଲୋ ଗ୍ରାମର ସୁଦର୍ଶନ ସେଠୀଙ୍କୁ ପ୍ରେମ ବିବାହ କରିଥିଲେ। ବିବାହ ବର୍ଷେ ପରେ ଦୁହିଁଙ୍କ ମଧ୍ୟରେ କଳହ ଲାଗି ରହୁଥିଲା । ଗତ ୪ ଦିନ ତଳେ ପୂର୍ଣ୍ଣିମା ବାପାଙ୍କ ଘର ସେକପୁର-ବନ୍ଧସାହିକୁ ପଳାଇଆସିଥିଲେ। ଗତ ୧୭ ତରିଖରେ ଜ୍ୱାଇଁଙ୍କୁ ଶ୍ୱଶୁର ଘରଲୋକେ ଫୋନ କରିଡକାଇଥିଲେ । ଏଥିନେଇ ସୁଦର୍ଶନ ୨ ଜଣ ଯୁବକଙ୍କ ସହ ଶ୍ୱଶୁର ଘର ବନ୍ଧପଡା ଆସିଥିଲା। ସେଠାରେ ତାଙ୍କୁ ନିର୍ଧୂମ ମାଡ଼ ମରାଯାଇଥିବା ନେଇ ଆଦର୍ଶ ଥାନାରେ ଅଭିଯୋଗ ହୋଇଛି ।
ସୁଦର୍ଶନ ଅତ୍ୟଧିକ ମଦ୍ୟପାନ କରିଥିବା ବେଳେ ଶ୍ୱଶୁର ଘରେ ପାଟିତୁଣ୍ଡ ଓ ଗଣ୍ଡଗୋଳ କରିଥିଲେ। ଏହା ଦେଖି ଗ୍ରାମବାସୀ ରଣ୍ଡ ହୋଇଯାଇଥିଲେ । ଜ୍ୱଇଁର ଉନ୍ମତ୍ତକାଣ୍ଡ ଦେଖି କେତେଜଣ ତାଙ୍କୁ ବାନ୍ଧି ପକେଇଥିଲେ। ପରେ ସେ ମଦ ସହିତ କନିଆରୀ ମଞ୍ଜି ଖାଇଦେଇଥିବା କହିବା ପରେ ସ୍ତ୍ରୀ ପୂର୍ଣ୍ଣିମା ତାଙ୍କୁ ପଟ୍ଟାମୁଣ୍ଡାଇ ମେଡ଼ିକାଲ ନେଇଥିଲେ । ପରେ ଅଧିକ ଚିକିତ୍ସା ପାଇଁ କଟକ ନେଇଛନ୍ତି ବୋଲି ତାଙ୍କ ପରିବାର ନିକଟରୁ ସୁଚନା ମିଳିଛି ।
ଏ ନେଇ ଆଦର୍ଶ ଥାନା ଆଇଆଇସି ବନ୍ଦନା ପାତ୍ରଙ୍କୁ ପଚାରିବାରେ ସୁଦର୍ଶନ ଭଉଣୀ କଣ୍ଢେଇଙ୍କ ଅଭିଯୋଗ ଉପରେ ପୋଲିସ ଏକ ମାମଲା ନଂ-୧୨୬/୨୦୨୬ ରୁଜ୍ଜୁ କରିଛି। ଘଟଣା ସମ୍ପର୍କରେ ସୁଦର୍ଶନ ସ୍ତ୍ରୀ ପୂର୍ଣ୍ଣିମା ସହିତ ଫୋନରେ କଥା ହୋଇଛୁ। ସେ ମେଡିକାଲରେ ଅଛନ୍ତି । ସେ ଆସିଲେ ଘଟଣାର ସତ୍ୟାସତ୍ୟ ଉପରେ ଛାନଭିନ କରାଯିବ ।