- ଚେନ୍ନାଇରୁ ଧରାପଡିଲେ ପୁରୁଷବନ୍ଧୁ ପ୍ରମୋଦ
- ଘଟଣାସ୍ଥଳରେ ଫରେନସିକଟିମର ପୁର୍ନବାର ଯାଂଚ
ପଟ୍ଟାମୁଣ୍ଡାଇ ୮/୮ – କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ଗ୍ରାମାଂଚଳ ଥାନା କାଠିଅପଡା ଗ୍ରାମର ଛାତ୍ରୀ ସଂଗିତା ପରିଡାଙ୍କ ପୋଡିଘଟଣାର ତଦନ୍ତ ତ୍ୱରାନ୍ୱିତ ହୋଇଛି । ଜିଲା ପୋଲିସର ଏକ ସ୍ୱତନ୍ତ୍ର ଟିମ ଚେନ୍ନାଇ ଯାଇ ପୁରୁଷବନ୍ଧୁ ବିଲିକଣା ପଂଚାୟତ ତେରୋହୀ ଗ୍ରାମର ପ୍ରମୋଦ ବେହେରାଙ୍କୁ ଧରିଛି । ସେଠାରୁ ପ୍ରମୋଦଙ୍କୁ ଅଣାଯାଇ ଏକ ଅଜଣା ସ୍ଥାନରେ ରଖି ପଚରାଉଚରା କରୁଛିି । କଟକରେ ସଂଗିତାଙ୍କ ମୃତଦେହ ବ୍ୟେବଚ୍ଛେଦ ଗୁରୁବାର ହୋଇଥିଲା । ସନ୍ଧ୍ୟାରେ ଗ୍ରାମ ଶଶ୍ମାନରେ ସଂସ୍କାର ହୋଇଥିଲା । ଶୁକ୍ରବାର ଅପରାହ୍ନରେ ଏସପି ସଦ୍ଧାର୍ଥ କାଟାରିଆଙ୍କ ନେତୃତ୍ୱରେ ଅତିରିକ୍ତ ଏସପି ସୁଦାଶେଖର ସାହୁ, ଏସଡିପିଓ କ୍ଷମାସାଗର ପଣ୍ଡା, ଆଦର୍ଶ ଥାନା ଆଇଆଇସି ବନ୍ଦନା ପାତ୍ର, ଅଣୟ ଆଇଆଇସି ର୍ୟାଙ୍କର ୨ ଅଫିସର ସମେତ ଜିଲା ଫରେନସିକଟିମ ଓ ଭୂବନେଶ୍ୱରସ୍ଥ ଏଫଏମଟି ଅଧିକାରୀ ଦଳ ଦ୍ୱାରା କାଠିଆପଡାର ଘଟଣା ସ୍ଥଳକୁ ପୂର୍ନବାର ଯାଂଚକରିଛି । ପ୍ରାୟ ଦୁଇଘଂଟାର ଏହି ଯାଂଚ ପରେ ଟିମ ଫେରିଯାଇଛି । ତେବେ ଗ୍ରାମ ମଧ୍ୟରେ ଜିଲା ପୋଲିସ ପକ୍ଷରୁ ପ୍ରାୟ ଦୁଇ ପ୍ଲାଟୁନ ପୋଲିସ ବଳ ମୁଦୟନ ହୋଇଛି । ଏପରିସ୍ଥିତିରେ ଗ୍ରାମରେ ନିରବତା ଖେଳିଯାଇଛି ।
କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ବ୍ଲକ ବଡପଡା ପଂଚାୟତ କାଠିଆପଡା ଗ୍ରାମର କଲେଜ ଛାତ୍ରୀ ସଂଗୀତା ପରିଡାଙ୍କ ସଂନ୍ଦେହ ଜନକ ଭାବେ ପୋଡି ହୋଇ ମରିବା ଘଟଣାର ରହସ୍ୟ ଉନ୍ମୋଚନ ପାଇଁ କେନ୍ଦ୍ରାପଡ଼ା ପୋଲିସ ପୁରା ଦମ ଲଗାଇ ଦେଇଛି । ପ୍ରେମିକ ବ୍ଲାକମେଲରେ ଅତିଷ୍ଠ ହୋଇ ଛାତ୍ରୀ ଜଣକ ଆତ୍ମହତ୍ୟା କରିଥିବା ମୃତା କଲେଜ ଛାତ୍ରୀ ସଂଗୀତାଙ୍କ ବାପା ଶଶିକାନ୍ତ ବୟାନ ଦେଇଥିଲେ । ତାଙ୍କ ବାପାଙ୍କ ବୟାନକୁ ଆଧାର କରି ଏସପି ନିର୍ଦେଶରେ ପୋଲିସ ଟିମ ସୁଦୂର ତାମିଲନାଡୁ ଯାଇ ମୃତା ଛାତ୍ରୀଙ୍କ ପ୍ରେମିକାଙ୍କୁ ତେରୋହୀ ଗ୍ରାମର ପ୍ରମୋଦ ବେହେରାଙ୍କୁ ଚେନାଇରୁ ଧରି ଆଣି ଓଡିଶା ଫେରିଛନ୍ତି । ମୃତା ଛାତ୍ରୀଙ୍କ ଶେଷକୃତ୍ୟ ପରେ ପୋଲିସ ତଦନ୍ତ ପ୍ରକ୍ରିୟାକୁ ତ୍ୱରାନ୍ୱିତ କରିଛି । ଶୁକ୍ରବାର ଅପରାହ୍ନରେ କେନ୍ଦ୍ରାପଡ଼ା ଏସପି ଓ ଆତିରିକ୍ତ ଏସପି, ଏସଡିପିଓ, ତିନି ଆଇଆଇସି ପୋଲିସ, ଭୁବନେଶ୍ୱର ଏଫଏମଟି ଅଧିକାରୀ ଓ ସାଇଂଟିଫିକ ଟିମ ସହିତ କାଠିଆପଡା ଗ୍ରାମରେ ଥିବା ମୃତା ଛାତ୍ରୀଙ୍କ ଘରେ ପହଂଚି ଛାତ୍ରୀ ନିଆଁରେ ପୋଡି ହୋଇ ମରିଥିବା ଘର ଛାତ ଉପରକୁ ଯାଇ ସେଡ଼ି ଘର ଓ ଗ୍ରିଲ ନିକଟରେ ମୃତ୍ୟୁର କାରଣ ଓ ପାରିପାର୍ଶ୍ୱିକ ଅବସ୍ଥା ନିରୀକ୍ଷଣ କରିଥିଲେ । ପୋଲିସ ତାଙ୍କ ପରିବାର ଲୋକମାନଙ୍କ ସହିତ ଗ୍ରାମବାସୀ ଓ ସାହି ପଡିଶାଙ୍କ ମତାମତ ସଂଗ୍ରହ କରିଛି । ସର୍ବଶେଷ ଖବର ଅନୁଯାଇ ଏହି ଛାତ୍ରୀ ଆତ୍ମଦାହ ମାମଲାରେ କାହାରିକୁ ଗିରଫ କରାଯାଇନାହିଁ । ଖୁବ ଶୀଘ୍ର ଛାତ୍ରୀ ଆତ୍ମଦାହ ଘଟଣାର ପର୍ଦାଫାଶ ହେବ । ପୋଷ୍ଟ ମଟମ ରିପୋର୍ଟ ହି ଛାତ୍ରୀ ମୃତ୍ୟୁ ଘଟଣାର ପର୍ଦାଫାଶ କରିବ । ବ୍ୟେବଛେଦ ରିପୋର୍ଟ ଆଧାରରେ ତଦନ୍ତ ପ୍ରକ୍ରିୟା ଆଗେଇବା ସହିତ ପରବର୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଏସପି କଟାରିଆ ଓ ଏଫଏମଟି ତଦନ୍ତକାରୀ ଅଧିକାରୀ ଶୁବଳ ନାୟକ ଗଣମାଧ୍ୟମ ଆଗରେ ପ୍ରକାଶ କରିଛନ୍ତି ।