କେନ୍ଦ୍ରାପଡାର ୮ ଅନୁଷ୍ଠାନକୁ ପ୍ରକୃତି ମିତ୍ର ସମ୍ମାନ

କେନ୍ଦ୍ରାପଡା, ୫ା୬ – ଓଡିଶା ରାଜ୍ୟ ସରକାରର ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତନ ବିଭାଗ ପକ୍ଷରୁ ଚଳିତ ବର୍ଷର ପ୍ରକୃତି ମିତ୍ର ସମ୍ମାନ ସମାରୋହ ଭୂବନେଶ୍ୱରସ୍ଥ ଓୟୁଏଟି ପରିସରରେ ଗୁରୁବାର ଅନୁଷ୍ଠିତ ହୋଇଯାଇଛି । ଏହି ସମାରୋହରେ କେନ୍ଦ୍ରାପଡା ଜିଲାର ୮ଟି ଅନୁଷ୍ଠାନକୁ ଏହି ସମ୍ମାନରେ ସମ୍ମାନୀତ କରାଯାଇଛି । ସେଗୁଡିକ ହେଲେ କେନ୍ଦ୍ରାପଡା ବ୍ଲକ କୋରୋ ପଂଚାୟତ ନୋଡାଲ ସ୍କୁଲ, ଡେରାବିଷ ବ୍ଲକ ଅଳାବାଙ୍କର ଇନଷ୍ଟୁଚୁସନ ଅଫ ଟୋଟାଲ ଫିଟନେସ, ଆଣ୍ଡ ଷ୍ଟ୍ରେସ ମ୍ୟାନେଜମେଂଟ, ଗରଦପୁର ବ୍ଲକ ରାଇସରର ଏଭର ଗ୍ରୀନ ଫୋରମ, ମାର୍ଶାଘାଇ ବ୍ଲକ ଶିଳିପୁରର ମଣି ନାଗେଶ୍ୱର ହାଇସ୍କୁଲ, ପଟ୍ଟାମୁଣ୍ଡାଇ ବ୍ଲକ ବାଲିପାଟଣାର ହର ଭାରତ ଓ ମହାକାଳପଡା ବ୍ଲକ ବାବରର ଗହିରମଥା ମେରାଇନ ଟର୍ଟଲ ପ୍ରୋଟେକ୍ସନ ଆଣ୍ଡ ମ୍ୟାନଗ୍ରୋଭ କଞ୍ଜରଭେସନ ସୋସାଇଟି । ବିଭାଗୀୟ ମନ୍ତ୍ରୀ ଗଣେଷ ରାମ ସିଂ ଖୁଂଟିଆ ଏହି ଅନୁଷ୍ଠାନଗୁଡିକୁ ସମାରୋହରେ ସମ୍ମାନୀତ କରିଥିଲେ ।