ବରିଷ୍ଠ ନାଗରିକଙ୍କୁ ପରିଚୟପତ୍ର ପ୍ରଦାନ

କେନ୍ଦ୍ରାପଡ଼ା,୨୨ା୬:କେନ୍ଦ୍ରାପଡା ଟାଉନ ଥାନା ପକ୍ଷରୁ ଥାନା ପରିସରରେ ବରିଷ୍ଠ ନାଗରିକମାନଙ୍କୁ ପରିଚୟପତ୍ର ପ୍ରଦାନ କରାଯାଇଛି। କେନ୍ଦ୍ରାପଡା ପୈାରାଞ୍ଚଳ ଅନ୍ତର୍ଗତ ବଡହାଟସ୍ଥିତ ଗଗନ ଚନ୍ଦ୍ର ମହାରଣା, ମଞ୍ଜୁକ୍ତା ମହାରଣାଙ୍କ ସମେତ ଅନ୍ୟ କେତେକ ବରିଷ୍ଠ ନାଗରିକ ଉପସ୍ଥିତ ରହି ପରିଚୟପତ୍ର ଗ୍ରହଣ କରିଥିଲେ। ଏହି ଅବସରରେ ଟାଉନ ଥାନାର ଅତିରିକ୍ତ ଆଇ.ଆଇ.ସି. ନିଲମ ସୋରେନ ଗଗନ ଚନ୍ଦ୍ର ମହାରଣା ଓ ମଞ୍ଜୁକ୍ତା ମହାରଣାଙ୍କୁ ଏସପିଙ୍କ ସ୍ୱାକ୍ଷର ଥିବା ପରିଚୟପତ୍ର ପ୍ରଦାନ କରିଥିଲେ। ଏହି ସମୟରେ କାଉନସିଲର ଉମେଶ ଚନ୍ଦ୍ର ନାୟକ ଓ ସମାଜସେବୀ ସୁଜିତ କୁମାର ସାହୁ ଉପସ୍ଥିତ ଥିଲେ। ଏହି ପରିଚୟପତ୍ର ଦ୍ୱାରା ବରିଷ୍ଠ ନାଗରିକମାନେ ବିଭିନ୍ନ ସରକାରୀ ସହାୟତା ପାଇପାରିବେ ବୋଲି କାଉନସିଲର ଶ୍ରୀ ନାୟକ ଗଣମାଧ୍ୟମକୁ କହିଥିଲେ।