ପଟ୍ଟାମୁଣ୍ଡାଇ ୧୦/୮ – ପଟ୍ଟାମୁଣ୍ଡାଇ ବ୍ଲକ ଅନ୍ତର୍ଗତ ଶାସନ ପଂଚାୟତ ମାଳିପୁର ଗ୍ରାମରେ ବ୍ଲକ ପକ୍ଷରୁ ସରକାରୀ ରାସ୍ତାକିସମ ଜାଗାରେ ଗୋଷ୍ଠୀ ଶୌଚାଳୟ ନିର୍ମାଣ କରାଯାଉଥିବାରୁ ଏହାକୁ ବିରୋଧ କରି ମାଳିପୁର ଗ୍ରାମର ପ୍ରଶାନ୍ତ ମହାନ୍ତି ଓ ରମାକାନ୍ତ ଦାସ ଗତ ୫ ତାରିଖ ଠାରୁ ତହସିଲ ଅଫିସ ସମ୍ମୁଖରେ ଅନଶନ ଆରମ୍ଭ କରାଯାଇଥିଲା । ଏହାକୁ ନେଇ ପ୍ରଶାସନ ପକ୍ଷରୁ ସମସ୍ୟାର ସମାଧାନ ପାଇଁ ବାରମ୍ଭାର ଉଦ୍ୟମ କରାଯାଇଥିଲେ ହେଁ କୌଣସି ସୁଫଳ ମିଳିପାରି ନଥିଲା। ଏହି ଅନଶନ ସୋମବାର ଷଷ୍ଠ ଦିନରେ ପହଂଚି ଥିବା ବେଳେ ଅନଶନକାରୀଙ୍କ ଦାବୀକୁ ସମର୍ଥନ ଜଣାଇ ଆଶିଷ ମଲ୍ଲିକଙ୍କ ନେତୃତ୍ୱରେ ଅର୍ଜୁନ ସାହୁ , ଦୀପକ ମହାନ୍ତି ,କଳ୍ପତରୁ ମଳିକ , ଅତନୁ ମଳିକ , ମହେଶ୍ୱର ମଳିକ , ସୁମିତ କୁମାର ସାମଲ, ରାହୁଲ ପାତ୍ର, ପ୍ରକାଶ ପାତ୍ର,ଦିଲ୍ଲୀପ ମଳିକ, ରାହାସ ମଳିକ, ଜୁମର ସେଠି, ଗାଲେଖ ମଳିକ, ଅର୍ଜୁନ ମଳିକ, ବାଦଲ ସେଠୀ କିରଣ ସେଠୀଙ୍କ ସମେତ ମହିଳାମାନେ ଶୋଭାଯାତ୍ରାରେ ଆସି ଗୋଷ୍ଠୀ ଶୌଚାଳୟ ବନ୍ଦ ପାଇଁ ତହସିଲଦାରଙ୍କୁ ଦାବୀପତ୍ର ପ୍ରଦାନ କରିଥିଲେ । ଅନଶନ ସ୍ଥଳରେ ଆଦର୍ଶ ଥାନା ଆଇ ଆଇ ସି ବନ୍ଦନା ପାତ୍ରଙ୍କ ନିର୍ଦେଶରେ ପୋଲିସ ଅନଶନସ୍ଥଳରେ ମୁତୟନ କରାଯାଇଛି ।