ବେଲତଳ ଗ୍ରାମରେ ଚୋରୀ ଥାନାରେ ଏତଲା

ପଟ୍ଟାମୁଣ୍ଡାଇ ତା ୫/୮- ପଟ୍ଟାମୁଣ୍ଡାଇ ଆଦର୍ଶ ଥାନା ଅନ୍ତର୍ଗତ ବେଲତଳ ବନ୍ଧପଡା ଗ୍ରାମରେ ଗତକାଲି ବିଳମ୍ବିତ ରାତିରେ ଚୋରୀ ହୋଇଥିବା ନେଇ ଥାନାରେ ଲିଖିତ ଏତଲା ଦିଆଯାଇଛି । ସ୍ଥାନୀୟ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି । ପଟ୍ଟାମୁଣ୍ଡାଇ ଆଦର୍ଶ ଥାନାରେ ହୋଇଥିବା ଏତଲା ଅନୁଯାୟୀ ବେଲତଳ ବନ୍ଧପଡା ଗ୍ରାମର ସ୍ବର୍ଗତ ଗୋପୀନାଥ ଦାଶ ଙ୍କ ଘରେ ଗତକାଲି ବିଳମ୍ବିତ ରାତିରେ ଚୋର ମାନେ ଘର ଝରକା ତାଡି ଘର ମଧ୍ୟରେ ପ୍ରବେଶ କରି ଘର ଲୋକମାନଙ୍କୁ ବାହାର ପଟୁ ବନ୍ଦ କରି ନଗଦ ଟଙ୍କା ସୁନା ସମେତ ବହୁ ମୂଲ୍ୟବାନ ସାମଗ୍ରୀ ମିଶାଇ ପ୍ରାୟ ୪ଲକ୍ଷ ଟଙ୍କା ଚୋରୀ କରି ନେଇଥିବା ଗୃହକର୍ତ୍ତା ଗୋପୀନାଥ ଦାଶଙ୍କ ପୁତ୍ର ଅଶୋକ ଦାଶ ଥାନାରେ ଲିଖିତ ଏତଲା ଦେଇଛନ୍ତି । ସେହିପରି ଶୁକଦେବ ଦାଶଙ୍କ ଘର ଝରକା ମଧ୍ୟ ତାଡି ଦେଇଛନ୍ତି । ପଟ୍ଟାମୁଣ୍ଡାଇ ଆଦର୍ଶ ଥାନା ପୋଲିସ ଏହି ଚୋରୀ ମାମଲାର ତଦନ୍ତ ଆରମ୍ଭ କରିଛି ।