ସି ପି ଆଇ ଏମ ଏଲ ପକ୍ଷରୁ ଗଣପ୍ରତିବାଦ ଶୋଭାଯାତ୍ରା ଓ ଦାବୀ ପତ୍ର ପ୍ରଦାନ

ପଟ୍ଟାମୁଣ୍ଡାଇ ୨୦/୯ – କେନ୍ଦ୍ରାପଡ଼ା ଜିଲା ସିପିଆଇଏମଏଲ ଜିଲା କମିଟି ପକ୍ଷରୁ ଶନିବାର ପଟ୍ଟାମୁଣ୍ଡାଇରେ ଗଣପ୍ରତିବାଦ ଶୋଭାଯାତ୍ରା କରାଯାଇଥିଲା । ପଟ୍ଟାମୁଣ୍ଡାଇ ମହାବୀର ବଜାର ଠାରୁ ଏକ ଗଣପ୍ରତିବାଦ ଶୋଭାଯାତ୍ରା ବାହାରି ବଜାର ପରିକ୍ରମା କରିବା ପରେ ତହସିଲ ଅଫିସରେ ପହଂଚିଥିଲା । ସିପିଆଇଏମଏଲ ପକ୍ଷରୁ ବିଭିନ୍ନ ଦାବୀ ସମ୍ବଳିତ ଏକ ଦାବୀପତ୍ର ରାଜ୍ୟ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ପଟ୍ଟାମୁଣ୍ଡାଇ ତହସିଲଦାରଙ୍କୁ ପ୍ରଦାନ କରାଯାଇଥିଲା ।
ସିପିଆଇଏମଏଲର ଗଣପ୍ରତିବାଦ ଶୋଭାଯାତ୍ରା ପରେ ସିପିଆଇଏମଏଲ ନେତା ସଂଜୀବ ରାଉତଙ୍କ ପୌରହିତ୍ୟରେ ପଟ୍ଟାମୁଣ୍ଡାଇ ତହସିଲ ଅଫିସ ଠାରେ ଆୟୋଜିତ ପ୍ରତିବାଦ ସଭାରେ ଜିଲ୍ଲା ସମ୍ପାଦକ ବିଧାନ ଦାସ, ହିମାଦ୍ରୀ ଦାସ, ପ୍ରକାଶ ମଲ୍ଲିକ ଅଶୋକ ଦାସ, ବସନ୍ତ ମଲିଜ ଶତ୍ରୁଗ୍ନ ରାଉତ ଚିତ ରଞ୍ଜନ ସେଠୀ ବିଶ୍ୱଜିତ ରାଉତ, ମହେନ୍ଦ୍ର ସୂତାର, ଶମ୍ଭୁନାଥ ମଲିକ, ରତିକାନ୍ତ ରାଉତ, ଅନିରୁଦ୍ଧ ମଲିକ, ଚିନ୍ମୟ ରାଉତ ବାନାମ୍ବର ମଲିକ, ଧୀରେନ୍ଦ୍ର ସୂତାର, ପ୍ରଦୀପ ମଲିକ ଓ ସୁବାଷ ସୂତାର ପ୍ରମୁଖ ଭାଷଣ ଦେଇ କେନ୍ଦ୍ର ଓ ରାଜ୍ୟ ସରକାରଙ୍କ ଜନବିରୋଧୀ ଓ ଚାଷୀ ବିରୋଧୀ ନୀତିର କଡା ସମାଲୋଚନା କରିବା ସହିତ ଚାଷୀମାନଙ୍କୁ ସମବାୟ ସମିତି ଓ ଡିଲର ମାଧ୍ୟମରେ ପ୍ରର୍ଯ୍ୟାପ୍ତ ସାର ଯୋଗାଇବା, ସାରରେ କମ୍ପାନୀ ମାନଙ୍କୁ ସବସିଡ ନଦେଇ ଚାଷୀମାନଙ୍କୁ ସିଧାସଳଖ ଦିଆଯାଉ, ପ୍ରକୃତ ଭାଗ ଚାଷୀ ଚିନ୍‌ହଟ କରି ଆବଶ୍ୟକ ସାର ଯୋଗାଇ ଦିଆଯାଉ, ଧାନ ବିକ୍ରି ପାଇଁ ଟୋକନ ବ୍ୟବସ୍ଥା କରାଯାଉ, ପଟ୍ଟାମୁଣ୍ଡାଇ ବଜାର ଉଠାଦୋକାନୀଙ୍କୁ ଉପଯୁକ୍ତ ଥଇଥାନ କରାଯାଉ, ବାରମ୍ବାର ବନ୍ୟାରେ କ୍ଷତିଗସ୍ତ ଲୋକ ଓ ଚାଷୀଙ୍କୁ ରିଲିଫ ଓ ସହାୟତା ଯୋଗାଇ ଦିଆଯାଉ ଆଦି ବିଭିନ୍ନ ଦାବୀ ନେଇ ଏକ ଦାବୀପତ୍ର ରାଜ୍ୟ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ପ୍ରଦାନ କରାଯାଇଥିଲା ।