ଆଣ୍ଠୋଇ ଭରା ଦେଇ ଲାଇନରେ ଦିବ୍ୟାଙ୍ଗ , ବ୍ଲକସ୍ତରୀୟ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିରରେ ଅବ୍ୟବସ୍ଥା

ପଟ୍ଟାମୁଣ୍ଡାଇ ୧୪/୧୧ – କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ଏମଏନ ହାଇସ୍କୁଲ ପରିସରରେ ଶୁକ୍ରବାର ବ୍ଲକସ୍ତରୀୟ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଥିଲା । ସ୍କୁଲ ଭିତରେ ଡାକ୍ତରମାନେ ଭିନ୍ନକ୍ଷମ ମାନଙ୍କ କ୍ରମାଙ୍କ ଅନୁଶାଂରେ ଚିହ୍ନଟ କରୁଥିବା ବେଳେ କ୍ରମାଙ୍କ ସଂଖ୍ୟା ଧାର୍ଯ୍ୟ ପଡିଆରେ କରାଯାଉଥିଲା । ଭିନ୍ନକ୍ଷମ ମାନେ ଆଣ୍ଠୋଇ ଭରାଦେଇ ଲାଇନରେଥିବା ଦେଖିବାକୁ ମିଳିଥିଲା । ଶିବିରରରେ ପାଇଖାନା ବ୍ୟବସ୍ଥା ନଥିଲା । ଉଠାପାଇଖାନା ଶିବିର ସରିବା ପାପାଖି ପହଁଚିଥିଲା । ଏହାକୁ ନେଇ ଅନେକ ଭିନ୍ନକ୍ଷମ ଅସନ୍ତୋଷ ବ୍ୟକ୍ତ କରିଛନ୍ତି। ବିଶେଷକରି ଯେଉଁଠି ଶିବିରର ଆୟୋଜନ କରାଯାଇଥିଲା ସେଠାରେ କୌଣସି ସଠିକ ବ୍ୟାବସ୍ଥା କରାଯାଇନଥିବାରୁ ଅନେକ ଭିନ୍ନକ୍ଷମ ବୃଦ୍ଧାବୃଦ୍ଧ ଓ ଦିବ୍ୟାଙ୍ଗ ତଳେ ବସିଥିବା ଦେଖିବାକୁ ମିଳିଥିଲା। ଅନ୍ୟପକ୍ଷରେ ଭିନ୍ନକ୍ଷମଙ୍କ ପାଇଁ ହୁଇଲ ଚେୟାର ବ୍ୟାବସ୍ଥା ହୋଇଥିଲେ ମଧ୍ୟ ତାହା ସମୁଦ୍ରକୁ ଶଙ୍ଖେ ଥିଲା । ଯଦ୍ଦ୍ୱାରା ଭିନ୍ନକ୍ଷମମାନେ ନିଜସ୍ୱ ଉଦ୍ୟମରେ ଯିବାର ଦେଖା ଯାଇଥିଲା। ସଂଖ୍ୟାଧିକ ଭିନ୍ନକ୍ଷମ ଆସିଥିବାବେଳେ ସେମାନଙ୍କ ପାଇଁ ପାନୀୟଜଳ, ଉପରେ ପାଲ କିମ୍ବା ପଙ୍ଖା ଆଦିର ବ୍ୟବସ୍ଥା ମଧ୍ୟ କରାଯାଇ ନ ଥିଲା। ଶିବିରରେ ବ୍ଲକ ପ୍ରଶାସନର ଅବହେଳା ଯୋଗୁ ଶତାଧିକ ଭିନ୍ନକ୍ଷମ ବ୍ୟକ୍ତି ଖୋଲାମେଲାରେ ଢିରାଲାଗି ଛିଡା ହୋଇ ନମ୍ବର କରୁଥିବା ଦେଖିବାକୁ ମିଳିଛି । ଅନେକ ପଞ୍ଜୀକୃତ କରି ନ ପାରି ହଇରାଣ ହୋଇଥିବା ଦେଖିବାକୁ ମିଳିଛି। ସୂଚନାମତେ ଶୁକ୍ରବାର ପଟ୍ଟାମୁଣ୍ଡାଇ ବିଡିଓଙ୍କ ତତ୍ୱାବଧାନରେ ଏମଏନ ହାଇସ୍କୁଲରେ ହୋଇଥିବା ଭୀମଭୋଇ ସାମର୍ଥ୍ୟ ଶିବିରରେ ଅସ୍ଥିଶଲ୍ୟ, ମାନସିକ ଅନଗ୍ରସର. ଚକ୍ଷୁ, ବାକ୍‌, ଶ୍ରବଣ ଓ ଶକ୍ତିବାଧିତ ପ୍ରମୁଖ ବିଶେଷଜ୍ଞ ଯୋଗଦେଇ ଭିନ୍ନକ୍ଷମଙ୍କୁ ଚିହ୍ନଟ କରିଥିଲେ। ଅନ୍ୟପଟେ ପର୍ଯ୍ୟାପ୍ତ ପରିମାଣରେ ଅନଲାଇନ ପଞ୍ଜୀକରଣ ପାଇଁ ବ୍ଲକ ପକ୍ଷରୁ ବ୍ୟବସ୍ଥା କରାଯାଇ ନ ଥିବାରୁ ଅନେକ ବ୍ୟକ୍ତି ପଞ୍ଜୀକୃତ କରି ନ ପାରି ନିରାଶରେ ଫେରିଛନ୍ତି ।ଅପରପକ୍ଷେ ସରକାରଙ୍କ ପକ୍ଷରୁ ଭିନ୍ନକ୍ଷମ ମାନଙ୍କ ପାଇଁ ଯୋଉଁ ଖାଦ୍ୟ ବ୍ୟବସ୍ଥା କରାଯାଇଥିଲା ସେଥିରେ ଅବ୍ୟବସ୍ଥା ଓ ପାତରଅନ୍ତର ହୋଇଥିବା କେତେ ଜଣ ଭିନ୍ନକ୍ଷମ ଓ ତାଙ୍କର ସହେଯାଗୀ ଅଭିଯୋଗ ଉଠାଇଥିଲେ । ଏ ନେଇ ବ୍ଲକ ସାମାଜିକ ସୁରକ୍ଷା ଅଧିକାରୀ ସୁଧାଂଶୁ ଶେଖର ପ୍ରଧାନଙ୍କୁ ପଚାରିବାରୁ ଯେତିକି ଭିନ୍ନକ୍ଷମ ଆସିଛନ୍ତି ତାଙ୍କ ଠାରୁ ଅଧିକ ସାଧାରଣ ଲୋକ ଆସିଥିବାରୁ ଏପରି ହେଇଛି ବୋଲି କହିଥିଲେ ।