ପଟ୍ଟାମୁଣ୍ଡାଇ ୨୭/୩- ୨୦୨୬-୨୭ବର୍ଷ ପାଇଁ ଶନିବାର କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ବାର ଆସୋସିଏଶନ ନିର୍ବାଚନ ଶାନ୍ତି ଶୃଙ୍ଖଳାର ସହ ସମାପ୍ତ ହୋଇଛି। ବାର ଆସୋସିଏଶନ ସଭାପତି ପଦ ପାଇଁ ୩ଜଣ ପ୍ରତିଦ୍ୱନ୍ଦିତା କରୁଥିବାବେଳେ, ଦୁଇଜଣଙ୍କୁ ପଛରେ ପକାଇ ପୁଣି ସୂର୍ଯ୍ୟ ରଞ୍ଜନ ରାଉଳ ବାଜିମାତ୍ କରିଛନ୍ତି। ସାଧାରଣ ସମ୍ପାଦକ ଭାବେ ରବିନ୍ଦ୍ର ଦାଶ ମଧ୍ୟ ନିର୍ବାଚିତ ହୋଇଛନ୍ତି।
ସେହିପରି ଉପ ସଭାପତି ଭାବେ ଗୋପିନାଥ ତ୍ରିପାଠୀ ଏବଂ ସହ ସଂପାଦକ ଭାବେ କୁମାର ସତ୍ୟନାରୟଣ ନାୟକ ର୍ନିବାଚିତ ହୋଇଛନ୍ତି। ପୁର୍ବରୁ କୋଷାଧକ୍ଷ ଭାବେ ଗିତାଞ୍ଜଳୀ ପୁଷ୍ଟି ଓ ଲାଇବେରିଆନ ଭାବେ ଶିନାରାଣୀ ଓଝା ନିର୍ନ୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି।
ନିର୍ବାଚନକୁ ବରିଷ୍ଠ ଆଇନଜୀବୀ ଭିମସେନ ପ୍ରଧାନ, ରାମକୃଷ୍ଣ ଦାଶ, ସୁମନ୍ତ ମାଝି, ମନୋଜ ନାୟକ ପରିଚାଳନା କରିଥିଲେ। ନବ ନିର୍ବାଚିତ କର୍ମକର୍ତାଙ୍କୁ ବହୁ ବିଶିଷ୍ଟ ବ୍ୟକ୍ତି ଏବଂ ଅଧିକାରୀ ଶୁଭେଚ୍ଛା ଜଣାଇଛନ୍ତି। କେନ୍ଦ୍ରାପଡା ଜିଲାର ଏକ ଗୁରୁତ୍ୱପୂର୍ଣ୍ଣ ବାର ଆସୋସିଏଶନ ଭାବେ ପଟ୍ଟାମୁଣ୍ଡାଇ ବାର ଆସୋସିଏଶନ। ତେଣୁ ଅନେକ ସମୟରେ ଏହି ବାର ଆସୋସିଏଶନ ନିର୍ବାଚନ କଡ଼ା ମୁକାବିଲା ହୋଇଥାଏ। ଆଜି ମଧ୍ୟ କିଛି କର୍ମକର୍ତା କଡ଼ା ମୁକାବିଲାରେ ବିଜୟୀ ହୋଇଛନ୍ତି ।
ସକାଳ ୭ଟା ୩୦ରୁ ମତଦାନ ଆରମ୍ଭ ହୋଇ ଅପରାହ୍ନ ୩ଟା ପର୍ଯ୍ୟନ୍ତ ଚାଲିଥିଲା। ଏନେଇ ବାର ଆସୋସିଏଶନ ଠାରେ ପ୍ରବଳ ଗହଳି ଦେଖିବାକୁ ମିଳିଥିଲା। ଆସୋସିଏଶନର ସଦସ୍ୟମାନେ ଆସି ନିଜ ପସନ୍ଦର ପ୍ରାର୍ଥୀଙ୍କୁ ଭୋଟ ଦେଇଥିଲେ। ସନ୍ଧ୍ୟା ୪ଟାରୁ ଭୋଟ ଗଣତି ଆରମ୍ଭ ହୋଇଥିଲା।