ଆଦର୍ଶ ଶିକ୍ଷକ ଭଞ୍ଜଲାଭ ପଣ୍ଡାଙ୍କ ପରଲୋକ-ଅଂଚଳରେ ଶୋକର ଛାୟା

ପଟ୍ଟାମୁଣ୍ଡାଇ ୧୦/୮ -ପଟ୍ଟାମୁଣ୍ଡାଇ ସଭିଲ କୋର୍ଟ ବିରିଷ୍ଠ ଆଇନଜିବୀ ଭବାନୀଶଙ୍କର ପଣ୍ଡା ବାପା ନମସ୍ୟ ଶିକ୍ଷକ ଭଞ୍ଜଲାଭ ପଣ୍ଡାଙ୍କର ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୯୧ବର୍ଷ ବୟସ ହୋଇଥିଲା। ସେ ଦୀର୍ଘ ଦିନ ଧରି ଅସୁସ୍ଥତା ଅନୁଭବ କରୁଥିବା ବେଳେ ସୋମବାର ଅପରାହ୍ନ ସାଢ଼େ ୩ଟା ସମୟରେ ପୌରାଅଂଚଳର ମାହାଜନସାହି ବାସଭବନରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ସେ ଜଣେ ଆଦର୍ଶ, କର୍ତବ୍ୟପରାୟଣ ଓ ମିଳାପୀ ଶିକ୍ଷକ ଭାବେ ସେ ସ୍ଥାନୀୟ ଅଂଚଳରେ ବେଶ୍ ଜଣାଶୁଣା ଥିଲେ। ନିଜର ଦୀର୍ଘ ଶିକ୍ଷାଦାନ କାର୍ଯ୍ୟକାଳ ମଧ୍ୟରେ ସେ ଅନେକ ଛାତ୍ରୀଛାତ୍ରଙ୍କୁ ସନ୍ମାର୍ଗ ଦେଖାଇବା ସହ ଅଂଚଳରେ ଶିକ୍ଷାର ବିକାଶ ପାଇଁ ଗୁରୁତ୍ୱପୂର୍ଣ୍ଣ ଯୋଗଦାନ ଦେଇଥିଲେ। ତାଙ୍କର ପ୍ରୟାଣ ଖବର ପ୍ରଚାରିତ ହେବା ପରେ ସମଗ୍ର ପଟ୍ଟାମୁଣ୍ଡାଇ ଅଂଚଳରେ ଗଭୀର ଶୋକର ଛାୟା ଖେଳିଯାଇଛି। ସ୍ଥାନୀୟ ଶିକ୍ଷାବିତ୍‌, ଗଣ୍ୟମାନ୍ୟ ବ୍ୟକ୍ତି, ପୁରାତନ ଛାତ୍ରୀଛାତ୍ର ଓ ଶୁଭେଚ୍ଛୁମାନେ ତାଙ୍କ ଶେଷ ଦର୍ଶନ କରି ଅମର ଆତ୍ମାର ସଦ୍‌ଗତି କାମନା କରିବା ସହ ଶୋକସନ୍ତପ୍ତ ପରିବାରବର୍ଗଙ୍କୁ ଗଭୀର ସମବେଦନା ଜଣାଇଛନ୍ତି।ପୂରୀ ସ୍ୱର୍ଗଦ୍ୱାର ଠାରେ ଶେଷକୃତ୍ୟ ସମ୍ପନ୍ନ କରାଯିବ ।