ବିଦ୍ୟୁତ ଖୁଂଟରେ ବାଡେଇ ହୋଇ ଦୁଇ ବାଇକ ଆରୋହୀ ଗୁରୁତର ,୧ମୃତ

ପଟ୍ଟାମୁଣ୍ଡାଇ ୯/୮ – ପଟ୍ଟାମୁଣ୍ଡାଇ ଆଦର୍ଶ ଥାନା ଅନ୍ତର୍ଗତ ତନୁପୁର ଗ୍ରାମରଏକ ଅଭାବନୀୟ ଘଟଣା ଘଟିଯାଇଛି । ଦୁଇ ଜଣ ଯୁବକ ପଟ୍ଟାମୁଣ୍ଡାଇରୁ ଫେରୁଥିବା ବେଳେ ତନୁପୁର ନିକଟରେ ଥିବା ଏକ ବିଦ୍ୟୁତ ଖୁଂଟରେ ପିଟି ହୋଇ ଗୁରୁତର ହୋଇ ପଡିଥିଲେ । ସେମାନଙ୍କୁ ପଟ୍ଟାମୁଣ୍ଡାଇ ଉପଖଣ୍ଡ ଚିକିତ୍ସାଳୟ ରୁ କେନ୍ଦ୍ରାପଡା ନେବା ବଟରେ ଜଣଙ୍କର ମୁତ୍ୟୁ ହୋଇଥିବା ଖବର ମିଳିଛି । ତନୁପୁର ଗ୍ରାମର ମାନସ ମଲିକ (୨୮) ଏବଂ ଜିତୁଆ ମଲିକ (୨୬)ବାଇକ ଯୋଗେ ପଟ୍ଟାମୁଣ୍ଡାଇ ଆସି ଗ୍ରାମକୁ ବୁଲେଟ ମୋଟର ସାଇକେଲ ଯୋଗେ ଫେରୁଥିବା ବେଳେ ଭାରସାମ୍ୟ ହରାଇ ବିଦ୍ୟୁତ ଖୁଂଟ ବାଡେଇ ହୋଇଥିଲେ । ଫଳରେ ରାସ୍ତା ପାଶ୍ୱର୍ରେ ଥିବା ବନ୍ୟା ପାଣିରେ ପଡିଯାଇଥବା ବେଳେ ଉଭୟଙ୍କ ଉପରେ ବୁଲେଟ ଗାଡି ପଡିଚାପି ହୋଇଯାଇଥିଲା । ସ୍ଥାନୀୟ ଲୋକେ ଉଭୟଙ୍କୁ ଗୁରୁତର ଅବସ୍ଥାରେ ପଟ୍ଟାମୁଣ୍ଡାଇ ଉପଖଣ୍ଡ ସ୍ୱାସ୍ଥ୍ୟକେନ୍ଦ୍ର ଅଣିଥିଲେ । ପ୍ରାଥମିକ ଚିକିତ୍ସା ପରେ ଉଭୟଙ୍କୁ କେନ୍ଦ୍ରାପଡ଼ା ଜିଲ୍ଲା ମେଡିକାଲକୁ ସ୍ଥାନାନ୍ତର କରାଯାଇଛି । ତେବେ କେନ୍ଦ୍ରାପଡ଼ା ନେବା ବାଟରେ ମାନସଙ୍କର ମୃତ୍ୟୁ ହୋଇଥିବା ଖବର ମିଳିଥିବା ବେଳେ ଜିତୁଆ ସୁସ୍ଥ ଅଛନ୍ତି । ପଟ୍ଟାମୁଣ୍ଡାଇ ଆଦର୍ଶ ଥାନା ପୋଲିସ ଏ ସମ୍ପର୍କରେ ଏକ ମୋକଦମା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।