ତାଲୁକ ଆଇନ ସେବା ସମିତି ପକ୍ଷରୁ ବିଶ୍ୱ ପରିବେଶ ଦିବସ ପାଳିତ

ପଟ୍ଟାମୁଣ୍ଡାଇ ୫/୬ – ପଟ୍ଟାମୁଣ୍ଡାଇ ତାଲୁକ ଆଇନ ସେବା ସମିତି ପକ୍ଷରୁ ବିଶ୍ୱ ପରିବେଶ ଦିବସ ଅବସରରେ ବଡପଡା ସରକାରୀ ମହାବିଦ୍ୟାଳୟ ପରିସରରେ ତାଲୁକ ଆଇନ ସେବା ସମିତିି ଅଧ୍ୟକ୍ଷା ତଥା ସିନିଅର ସିଭିଲ ଜର୍ଜ ଅପୂର୍ବା ଚୌଧୁରୀଙ୍କ ତତ୍ୱବଧାନରେ ବିଭିନ୍ନ ରକମର ବୃକ୍ଷ ରୋପଣ କରାଯାଇଥିଲା । ଏନେଇ ଏକ ସଚେତନତା କାର୍ଯକ୍ରମରେ ତାଲୁକ ଆଇନ ସେବା ସମିତିି ଅଧ୍ୟକ୍ଷା ଅପୂର୍ବା ଚୌଧୁରୀ କହିଥିଲେ ଯେ ଜଙ୍ଗଲ ବଂଚିଲେ ପରିବେଶ ସୁନ୍ଦର ଓ ସ୍ୱଚ୍ଛତା ରହିବ ଜଳବାୟୁ ସୁସ୍ଥ ରହିବ ବର୍ଷା, ଶୀତ ଓ ଗରମ ନିୟମିତ ରହିବ ଯାହାକି ଏବେ ପରିବେଶ ଦୂଷିତ ଯୋଗୁ ଜଳବାୟୁରେ ମଧ୍ୟ ପାରିବର୍ତନ ହେଉଛି। ତେଣୁ ପରିବେଶ ବଂଚଇବାକୁ ଅଂଚଳରେ ଅଧିକରୁ ଅଧିକ ବୃକ୍ଷରୋପଣ କରାଯିବା ସହ ଜଙ୍ଗଲରେ ପାରମ୍ପରିକ ବୃକ୍ଷ ତଥା ଆମ୍ବ, ମହୁଲ, ପଣସ, ଲିଚୁ, ଜାମୁକୋଳି ଭଳି ଗଛ ଲଗାଇଲେ ଲୋକଙ୍କ ଜୀବନଜୀବିକା ସ୍ୱାବଲମ୍ବୀ ହେବା ସହ ଜଙ୍ଗଲ ସୃଷ୍ଟି ହୋଇପାରିବ । ପ୍ରତ୍ୟେକ ବ୍ୟକ୍ତି ଅତି କମରେ ୧୦ଟି ଲେଖାଏଁ ଗଛ ଲଗାଇବା ପାଇଁ କହିିଥିଲେ । ଏହି କାର୍ଯ୍ୟକ୍ରମାରେ କଲେଜ ଅଧ୍ୟକ୍ଷ ମନ୍ମଥ ପାତ୍ର, ଶ୍ରୀକାନ୍ତ ଦାସ, ଅମେରେନ୍ଦ୍ର ପତି, ସେକ ଇମଦାଦ ଅଲ୍ଲୀ, ପ୍ରଦୀପ୍ତ କିଶୋର ମୁଦୁଲି, ଆଦିକନ୍ଦ ରାଉତ, ରମେଶ ଚନ୍ଦ୍ର ଦାସ ନାରାୟଣ ସ୍ୱାଇଁ, ବନ ବିହାରୀ ନାୟକ, ବରିଷ୍ଠ ଆଇନୀଜୀବୀ ପ୍ରତାପ କୁମାର ପୃଷ୍ଟି, ଫ୍ରଂଟ ଅଫିସ ରିଟେନର କମ ରିମାଣ୍ଡ ଓକିଲ ଧୀରେନ୍ଦ୍ର ନାଥ ସାହୁ, ସୁବ୍ରତ ପଣ୍ଡା, ଅମେରେନ୍ଦ୍ର ରାଉତ, ରାଜନାରାୟଣ ସାମନ୍ତରାୟ, ଅପର୍ଣ୍ଣା ସାମଲ, ମୋହନ ଦାଶ, ରେଂଜ଼ର ଶାନ୍ତନୁ ଦଳାଇଙ୍କ ସହିତ ବନ କର୍ମଚାରୀ ସାମିଲ ଥିଲେ