ପଟ୍ଟାମୁଣ୍ଡାଇ ୧୭/୬ – କେନ୍ଦ୍ରାପଡ଼ା ଜିଲା ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ଅନ୍ତର୍ଗତ ମଦନପୁର ସିଂହପ୍ରହର ଗ୍ରାମରେ ବୁଧବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ସିଂହପ୍ରହର ଗାଁର ଗ୍ରାମର ଅଭୟ ନାଥ (୪୫)ର ମୃତ ଦେହ ସଂସାରଫଳ ବଙ୍ଗାଳିପଡା କଲଭର୍ଟ ନିକଟରୁ ପୋଲିସ ଉଦ୍ଧାର କରିଛି । ଖବରପାଇ ପରିବାର ଲୋକଙ୍କ ସମେତ ଗ୍ରାମବାସୀ ଘଟଣା ସ୍ଥଳରେ ପହଁଚିଥିଲେ । ମାତ୍ର ଅଭୟଙ୍କ ମୃତ୍ୟୁକୁ ନେଇ ସାଧାରଣରେ ସନ୍ଦେହ ପ୍ରକାଶ ପଇଥିଲା । ତେବେ ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ପୋଲିସ ସନ୍ଦେହଜନକ ମୃତ୍ୟୁ ଘଟଣାରୁ ପର୍ଦ୍ଧା ହଟାଇବା ସାଇଣ୍ଟିଫିକ ଟିମ ଜରିଆରେ ତଦନ୍ତ କରି ଥାନା କେଶ ୯/୨୦୨୬ ରେ ଏକ ଅପମୃତ୍ୟୁ ମାମଲା ରୁଜୁ କରି ଶବବ୍ୟେବଛେଦ ପାଇଁ ଆଳି ଡାକ୍ତରଖାନା ପଠାଇଛି ।
ସଂସାରଫଳ ବଙ୍ଗାଳିପଡ଼ା କଲଭଟ ନିକଟରେ ଏକ ଯୁବକଙ୍କ ମୃତ ଦେହ ପଡିଥିବାର ସ୍ଥାନୀୟ ଲୋକେ ଦେଖି ପୋଲିସକୁ ଖବର ଦେଇଥିଲେ। ଏହି ଖବର ମିଳିବା ପରେ ଘଟଣାସ୍ଥଳକୁ ଲୋକମାନଙ୍କ ସୁଅ ଛୁଟି ଥିଲା । ଖବର ପାଇ ଗ୍ରାମଂଚଳ ଥାନା ପୋଲିସ ମଧ୍ୟ ଘଟଣା ସ୍ଥଳେ ପହଁଚି ମୃତଦେହ ଜବତ କରଥିଲେ । ମୃତ ଯୁବକ ଜଣଙ୍କ ମଦନପୁର ସିଂହପ୍ରହର ଗ୍ରାମର ଅଭୟ ହୋଇଥିବା ବେଳେ ପୋଲିସ ଉପସ୍ଥିତିରେଙ୍କ ବାପା ଅର୍ଜୁନ ନାଥ ନିଜ ପୁଅର ଶବ ଚିହ୍ନଟ କରିଥିଲେ । ତେବେ ପଟ୍ଟାମୁଣ୍ଡାଇ ଏସଡିପିଓ ସୁକାନ୍ତ ପାତ୍ର ଓ ଆଇଆଇସି ଶ୍ରୀକାନ୍ତ ବାରିକ ସହ ସାଇଣ୍ଟିଫିକ ଟିମ ତଦନ୍ତ ଆରମ୍ଭ କରିଥିଲେ । ସାଇଣ୍ଟିଫିକ ଟିମ ଉକ୍ତ କଲଭଟ ନିକଟରେ ପଡିଥିବା ମଦ ବୋତଲ ପ୍ଲାଷ୍ଟିକ ଗ୍ଲାସ ସହ ତାଙ୍କ ଅଂଟାରୁ ମଦ ଭର୍ତି ଥିବା ବୋତଲ ଜବତ କରିଥିଲୋ । ମଦ୍ୟ ପାନ କାରଣରୁ ନିଶାଶକ୍ତ ଅବସ୍ଥାରେ କଲଭର୍ଟ ତଳକୁ ବେକ ମୋଡି ପଡିଯିବାରୁ ଅଭୟର ମୃତ୍ୟୁ ହୋଇଥିବା ଅନୁମାନ କରାଯାଇ ଥିଲା । ତେବେ ଶବ ବ୍ୟବଛେଦ ରିପୋର୍ଟ ଓ ସାଇଣ୍ଟିଫିକ ଟିମର ତଦନ୍ତ ରିପୋର୍ଟରୁ ଏହି ସନ୍ଦେହଜନକ ମୃତ୍ୟୁ ଉପରୁ ପରଦା ହଟିବ ବୋଲି ସାଧାରଣରେ ଆଶା ପ୍ରକାଶ କରାଯାଉଛି ।ପୋଲିସ ଏକ ଅପମୃତ୍ୟୁ ମାମଲା ୯/୧୭-୬-୨୦୨୬ ରୁଜୁ କରି ଶବବ୍ୟେବଛେଦ ପାଇଁ ଆଳି ଡାକ୍ତରଖାନା ପଠାଇଛି । ପୋଲିସ ସୁଚନା ଅନୁଯାଇ ମୃତକ ଅଭୟଙ୍କ ପତ୍ନୀ ପ୍ରାୟ ୫ ବର୍ଷ ହେଲା ତାଙ୍କୁ ଛାଡ଼ି ଅନ୍ୟତ୍ର ରହୁଛନ୍ତି । ଫଳରେ ସେ ଅଧିକାଂଶ ସମୟରେ ମଦ ପିଇ ନିଶାରେ ରହୁଥିବା ତାଙ୍କ ବାପା ଅର୍ଜୁନ ନାଥ ଜଣାଇଛନ୍ତି ବୋଲି ପୋଲିସ ସୂତ୍ରରୁ ଜଣା ପଡିଛି ।