ନାବାଳିକା ଦୁଷ୍କର୍ମ ମାମଲା, ୧୦ ଘଣ୍ଟା ମଧ୍ୟରେ ୨ ଗିରଫ

କେନ୍ଦ୍ରାପଡ଼ା,୧୭ା୬: କେନ୍ଦ୍ରାପଡା ସଦର ଥାନା ଅଂଚଳରେ ଜଣେ ଝାଡୁ ବିକାଳୀ ନାବାଳିକାକୁ ଦୁଷ୍କର୍ମ ଘଟଣା ଅଂଚଳରେ ଆଲୋଡ଼ନ ସୃଷ୍ଟି କରିଥିଲା। ଏସପି ସିଦ୍ଧାର୍ଥ କାଟରିଆଙ୍କ ନିର୍ଦେଶରେ ସଦର ଥାନା ଆଇଆଇସି ପଦ୍ମାଳୟା ପ୍ରଧାନ ନେତୃତ୍ୱରେ ପୋଲିସ ଦଳ ଚଢ଼ଉ କରି ଘଟଣାର ମାତ୍ର କିଛି ଘଣ୍ଟା ମଧ୍ୟରେ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିଛନ୍ତିା । ଗିରଫ ୨ଜଣ ଅଭିଯୁକ୍ତ ହେଲେ ଶୁଭମ କୁମାର ନାୟକ (୨୮) ଓ ବିନୋଦ ବିହାରୀ ମଳିକ(୩୨)। ସେମାନଙ୍କୁ ଥାନା କେଶ ନମ୍ବର ୩୭୩/୨୦୨୬ରେ ବିଏନଏସର ଧାରା ୭୦(୨), ୭୬,୧୧୫(୨), ୩୫୧(୩)ଓ ୬ ପୋକ୍ସୋ ଆକ୍ଟରେ ଗିରଫ କରାଯାଇ କୋର୍ଟ ଚାଲାଣ କରାଯାଇଥିବା ଥାନାଧିକାରୀ ପଦ୍ମାଳୟା ପ୍ରଧାନ ସୂଚନା ଦେଇଛନ୍ତି।